×

Adamawa 1994

Jabuura 99

1
Jawmiraawo woni laamiiɗo, ummaatooje ɗon ndiwna. O ɗon jooɗi haa dow keruba'en, lesdi ɗon dimmbo.
2
Jawmiraawo woni mawɗo nder Siyona, o Ɓaŋiiɗo dow ummaatooje fuu.
3
Sey ɗe fuu ɗe maŋgta innde maako mawnde, hulniinde, o Ceniiɗo!
4
Yaa Laamiiɗo baawɗo, a yiɗi ko fotti, an tabitini kiita ndarnuka, an waɗani danygol Yaakubu kiita gooŋɗuka e adiliiha.
5
Maŋgte Jawmiraawo Allah men, cujide yeeso leeso laamu maako, o Ceniiɗo!
6
Muusa e Haruna laatino boo liman'en maako, Samuyila wonno gooto nder torotooɓe mo. Ɓe tori Jawmiraawo, o jaabi ɓe.
7
O wolwani ɓe nder ruulde nanndunde bee daŋraŋgal, ɓe ɗowtani seedamkuuji maako e farillaaji ɗi o hokki ɓe.
8
Yaa Jawmiraawo Allah amin, a jaabi ɓe. A laatani ɓe Allah jaafoowo, ammaa a waati kuuɗe maɓɓe kalluɗe.
9
Maŋgte Jawmiraawo Allah men, cujide haa hooseere maako seniinde. Ngam Jawmiraawo Allah men o Ceniiɗo.
Fulfulde Bible Adamawa 1994
DEFTERE ALLAH Alliance Biblique du Cameroun, 1994
:
Hisnu Teskorɗe