Ñanderuete Ñe’ẽ Porã 2015
|
| 1 |
| Ñanderuete ningo pe mburuvichaguasuetéva ha upévare tetãnguéra oryryipáta. Iguapyha oĩ umi querubin (ángel ruvicha) ári, pe yvy ovavapáta. |
| 2 |
| Ñanderuete mba’eguasuete Siónpe, ha oñemboyvateve ichupe opaite tetãnguéra ári. |
| 3 |
| Tomomba’eguasuete hikuái nde réra iporãitéva ha ituichaitéva. |
| 4 |
| Umi ohayhúva guive ichupe tomomba’eguasu ñane Mburuvichaguasu pu’aka. Ha’e oisãmbyhy hekoitépe, ijustícia ha iñembojovake porã rupi. |
| 5 |
| Pemboyvatéke Ñanderuete, Ñandejárape, ha peñesũ joáke iguapyhaguasu renondépe, Ha’e heko porãitégui. |
| 6 |
| Moises ha Aaron oiko nde pa’ikuéra apytépe, ha Samuel oiko umi ohenóiva nde réra apytépe, ohenói hikuái Ñanderuetépe, ha Ha’e ombohovái ichupekuéra. |
| 7 |
| Pe arai oñembo’ýva guive Ha’e oñe’ẽ hendivekuéra, ha’ekuéra oñeha’ãmba ojapo hag̃ua iñe’ẽ ha hembiapoukapykuéra oñeme’ẽmava’ekue ichupekuéra. |
| 8 |
| Ore Ruete, ore Jára, Nde rembohovái jepi ichupekuéra, reiko ichupekuéra g̃uarã peteĩ Jára oporoperdonáva ramo, ha reiko ichupekuéra avei peteĩ Jára oporohaviráva ramo. |
| 9 |
| Pemomba’eguasúke Ñanderuete, Ñandejárape, ha peñesũ icérro porãme, Ñanderuete heko porãitégui. |
| Guardar notas |
https://beblia.bible:81/BibleAudio/guarani2015/psalms/099.mp3
150
99