×

SEBR SÕNGO 1998

Yɩɩla 99

1
Yɩɩlle! Soaala yaa dĩma, bɩ zãma wã sɩng rigbu! B zaoo al yĩngr-yĩngri, bɩ tẽnga dĩmi!
2
Wẽnd n so naam Siõ, bãmb n so dũni wã.
3
Bɩ dũni wã gill pẽg b yʋʋre, yʋʋr sẽn ya sõng la sẽn kẽesd dabeem.
4
Dĩm pãnga ya a nong zemsgo, yãmb n wilg bũmb ning fãa sẽn toge, Yaa yãmb n wilg a Zakoob buudã sẽn zems la sẽn segde.
5
Kils-y Soaala tõnd Wẽnnaam la y wõgemd b taoor tɩ b yaa sõngo.
6
Maan-kʋʋdba a Moyiiz ne a Aarõ la b sɛɛg yõkda, a Samwɛl, da boonda Soaala la b ra leokd-b lame.
7
B ra gomda ne-ba sawad-taoka pʋga. Ad-y b reega b zãmsgo, b reega b noyã.
8
D Soaala-Wẽnde, yãmb meng y toore n da leokde. Y yɩɩ Wẽnd sẽn bʋk b sũur ne bãmba la sẽn da rokd b sũur ne b bɛɛbã.
9
Kils-y Soaala tõnd Wẽndã! Wõgemd-y n tees b tãn-sõngã, tɩ Wẽnnaam tõnd Soaala yaa sõngo!
Mossi SSDC 1998
SEBR SÕNGO Alliance Biblique du Burkina Faso, 1998
:
Save Notes