Ika Bible 2018
|
| 1 |
| Osolobuẹ a sịgụọ Mozizi, “M jẹnkọ d'a fịanzị Fẹro lẹ ndị Ijiptu ube ohu sụọ. Ọhụn mẹgụ, ọ k'a nị ụnụ gha ebeni pụ. Ogẹn o k'e gi hatu ụnụ, ọ k'a chụpụchanrịndẹ ụnụ. |
| 2 |
| “Gwa nwan ndị Izrẹlụ nị kẹ ikẹnnyẹ kẹ ikpoho wẹ jẹnkọ d'a rịọ ndị Ijiptu nọkunmẹni wẹ ihiẹn-siliva lẹ ihiẹn-goru.” |
| 3 |
| Osolobuẹ e mẹtụgụọ ndị Ijiptu ẹka obi hụn w'e gi mẹni ndị Izrẹlụ ọhụnma. Ịhaịmẹ Fẹro lẹ ndị Ijiptu ile a gbayezikwọ Mozizi ọda-ọda. |
| 4 |
| Ya kẹ Mozizi nọ nwan gwa Fẹro, sị a, “Lee ihiẹn Osolobuẹ ku: ‘Ihiẹn rịkẹ etintinnaị abalị, m jẹnkọ d'a ghagbarị alị Ijiptu. |
| 5 |
| Nwa-okẹnnyẹ ibuzọ ọwụlẹ rị alị Ijiptu jẹnkọ d'a nwụn: ghakwọrị nwa-okẹnnyẹ ibuzọ Fẹro, Fẹro hụn rị ukpo-eze a kị, d'e ru nwa-okẹnnyẹ ibuzọ okpoho wụ igbọn hụn a kwọ ihiẹn, uwẹ lẹ okẹn ibuzọ anụ mụ. |
| 6 |
| Okẹn ẹkwan jẹnkọ d'a rị alị Ijiptu, ụdị hụn rịtulẹni mbụ; ụdị a arịkọzị. |
| 7 |
| Kanị imẹ igunrun ndị Izrẹlụ, anụkọdẹ wẹ olu nkitẹ rị a gbọ ịhịan mọbụ anụ. Ogẹn hụ kẹ y'e gi marịn nị Osolobuẹ ara gi ẹka ohu sọn Ijiptu lẹ Izrẹlụ.’ Ya kẹ Osolobuẹ ku. |
| 8 |
| Ịhaịmẹ i ndịnị ile jẹnkọ d'a bịa d'e kunrun mmẹ wụ Mozizi, gbu osekpu, sị ‘Jẹnmẹ nwan, ịyụ lẹ ndị sọnkọn'ị.’ O mẹgụ ẹrịra, a pụ m nwan alịnị.” Ya kẹ Mozizi nọ gi okẹn olulu pụ ebẹhụ eze wụ Fẹro rị. |
| 9 |
| Osolobuẹ a gwaọlẹ Mozizi mbụ, sị, “Fẹro jẹnkọ d'a jụ n'o gọnkọ ụnụ ntịn, a hụn m ụzọ rụnsọnmẹ ọrụn atụmẹnya ndịnị m rị a rụn imẹ alị Ijiptu.” |
| 10 |
| Mozizi lẹ Ẹrọnụ a rụnchanrịnghọ ọrụn atụmẹnya ndịnị ihun eze, Osolobuẹ a kpọkin Fẹro obi, ọ jụ n'ọ hatukọ ndị Izrẹlụ nị wẹ gha alị a pụ. |
| Save Notes |
https://beblia.bible:81/BibleAudio/ika/exodus/011.mp3
40
11