ka giwacho niya, “Mad ne Ruoth Nyasaye negwa e piny Misri, kuma ne wanyalo betie piny gi tap ring’o e nyimwa, mwachiem mana kaka wadwaro. To koro usekelowa e thimni mondo kech onegwa waduto!”
Ruoth Nyasaye nowacho ni Musa niya, “Abiro loronu chiemo koa e polo. Odiechieng’ kodiechieng’ ji nyaka dhi mondo ochok chiemo moromo chamo odiechieng’no. Kamano abiro temogi mondo ane ane ka giyie chikena.
Eka Musa nomedo wacho niya, “Ruoth Nyasaye ema biro miyou kuon mang’eny mondo ucham gokinyi, nimar osewinjo kaka uywakne. Wan ok uywagnwa, to Ruoth Nyasaye ema uywakne, nikech wan ok wan gimoro.”
Jo-Israel nonenogo, to ne ok ging’eyo ni en ang’o, omiyo ne gipenjore kendgi giwegi ni, “Mano to ang’o?” Musa nodwokogi niya, “Mano e kuon ma Ruoth Nyasaye osemiyou mondo ucham.
To kane gipimogi e ondweto, ne giyudo ni joma nochoko mang’eny ne ok nigi mathoth mohingogi, bende joma nochoko manok ne ok nigi matin moremogi to ng’ato ka ng’ato nosechoko mana morome.
Musa nowachonigi niya, “Mano ema mondo ucham tinende, nikech kawuono en chieng’ Sabato. Tiende ni chieng’ mowal ni Ruoth Nyasaye. Omiyo ok ubi yudo chiemo oko mukwanyo.
Ng’euru ni an Ruoth Nyasaye ema aseketonu chieng’ Sabato. Kuom mano, chieng’ mar auchiel amiyou chiemo moromo ndalo ariyo. To chieng’ mar abiriyo, ng’ato ka ng’ato nyaka bed mana kama entie, kendo kik owuog e dalane.”
Musa nowacho niya, “Ruoth Nyasaye ochiko kama: ‘Kawuru manna moromo ondweto achiel, ukan ni nyikwau, mondo chieng’ moro gine chiemo mane amiyou mondo ucham e thim, kane agolou Misri.’ ”
Jo-Israel nochamo manna kuom higni piero ang’wen, nyaka ne gichopo e piny mane ginyalo dakie. Ne gichamo mannano kamano nyaka ne gichopo e mbap piny Kanaan. (