Nadamag ni Jetro, ti padi ti Midian ken katugangan ni Moises, ti amin nga impaay ti Dios ken ni Moises ken kadagiti Israelita idi inruar ni Yahweh ida idiay Egipto.
agraman da Gersom ken Eliezer nga annakda ken Moises. (Napanaganan ti maysa iti Gersom gapu ta kinuna idi ni Moises, “Ganggannaetak idi iti sabali a daga.” Napanaganan met ti maysa iti Eliezer
rimmuar ni Moises a nangsabat iti katuganganna. Kinablaawanna sana inagkan. Nagpinnakomustada iti kasasaad ti salun-at ti tunggal maysa sada simrek iti tolda ni Moises.
Imbaga ni Moises ken ni Jetro ti amin nga inaramid ni Yahweh iti ari ken iti amin nga Egipcio tapno ispalenna dagiti Israelita. Imbagana met kenkuana ti rigat a naglasatan dagiti tattao iti dalan ken no kasano ti panangilasat ni Yahweh kadakuada.
ket kinunana, “Madaydayaw ti Apo a nangisalakan kadakayo kadagiti Egipcio ken iti ari! Madaydayaw ti Apo a nangispal kadagiti tattao iti panangtagabu dagiti Egipcio.
Nangidatag ni Jetro iti daton a mapuoran ken sabsabali pay a sakrifisio a maipaay iti Dios. Kimmuyog kenkuana ni Aaron ken dagiti amin a panglakayen ti Israel a napan iti nasagradoan a pannangan a naisagana a pagdaydayaw iti Dios.
Idi makita ni Jetro a katuganganna ti amin nga asikasoen ni Moises, sinaludsodna, “Ania daytoy ar-aramidem para kadagiti tattao? Apay a bukbukodam ti mangasikaso kadagitoy ket agmalmalem nga umay ditoy dagiti tattao tapno makiumanda kenka?”
Denggem ti naimbag nga ibalakadko ket tulongannakanto ti Dios. Masapul a sika ti dumatag iti Dios a kas pannakabagi dagiti tattao ket yumanmo kenkuana dagiti parikutda.
Ngem saan la a dayta. Pumilika met kadagiti makabael a lallaki. Dutokam ida a kas pangulo dagiti tattao; adda mangipangulo kadagiti rinibu, kadagiti ginasut, kadagiti saglilimapulo, ken kadagiti sagsasangapulo. Masapul a managbutengda iti Dios, mapagtalkan ken di mapasuksokan.
Agserbida a kas permanente a hues kadagiti tattao. Mabalin nga idatagda kenka dagiti narikut a kaso, ngem isuda ti makaammo a mangibanag kadagiti babassit a riri. Nalaklakanto ti trabahom ket mapalag-anankanto iti panangtulongda kenka.
Nangpili kadagiti makabael a lallaki kadagiti amin nga Israelita. Dinutokanna ida a kas pangulo dagiti rinibu, dagiti ginasut, dagiti saglilimapulo, ken dagiti sagsasangapulo.
Nagserbida a kas permanente a hues kadagiti tattao. Ni Moises ti pangidataganda kadagiti narikut a kaso ngem isuda ti mangibanag kadagiti babassit a riri.