Jethro jadolo mar Midian, kendo jaduong’ Musa, nowinjo gik moko duto mane Nyasaye osetimo ni Musa gi jo-Israel, kendo kaka Ruoth Nyasaye nogologi Misri.
kaachiel gi yawuote ariyo, ma Gershom gi Eliezer. Musa nosewacho niya, “An jadak e piny ma ok marwa,” omiyo nochako wuode achiel ni Gershom, (tiende ni, jadak).
Bende nosewacho niya, “Nyasach wuora en jakonyna mane oresa ka Farao dwaro nega.” Omiyo nochako wuode machielo ni Eliezer, (tiende ni, Nyasaye en Jakonyna).
Musa nonyise duto mane Ruoth Nyasaye osetimo ni Farao, kendo ni jo-Misri, nikech nohero jo-Israel. Bende nonyise thagruok mane giyudo e yo, kendo kaka Ruoth Nyasaye noresogi.
Bang’e Jethro notimo ni Nyasaye misango miwang’o pep, kod misengni mamoko. Harun gi jodong Isarel duto ne jobiro mochamo sawono gi Jethro e nyim Nyasaye.
Kane Jethro oneno tich mang’eny mane Musa timo ni ji, nopenje niya, “Ang’o momiyo itiyo tijegi ni jogi duto, ka in kendi, ka ji ochung’ kolwori chakre okinyi nyaka odhiambo?”
To nyaka iyier ji mariek kendo moluoro Nyasaye kuom ji duto. Nyaka gibed joadiera, kendo ma ok nyal chamo asoya. Gin ema mondo iketgi jotend ji. Jomoko kuomgi onego rit ji alufu achiel achiel, to moko ji mia mia, kendo moko ji piero abich abich, to moko ji apar apar.
Jogi ema mondo ong’ad ni ji bura pile. Buche matek kende ema ginyalo kelo iri, to moko matindo to ging’ad kendgi. Kipogo ting’ kodgi kamano, to tiji biro dong’ moromi.
Noyiero joma riek kuom jo-Israel duto, moketogi jotelo mag ji alufu achiel achiel, gi mag ji mia mia, gi mag ji piero abich abich, kod mag ji apar apar.