Yetiro, ocitunda ca Midiane, haeye ndatembo ya Mose, wa yeva viosi Suku a lingila Mose lomanu vaye va Isareli. Wa yeva ndomo Yehova opa va Isareli ke Egito.
Mose wa sapuila ndatembo yaye viosi via linga Yehova ku Fareo lo ku va Egito oku popela va Isareli. Wo sapuila ovitangi via pita vonjila, lomo Yehova a va popela.
Yetiro, ndatembo ya Mose, wa lumba ku Suku ocilumba coku pia elisi locilumba coku yoka. Kuenje Arone weya lakulu vosi va Isareli. Va lila ombolo kovaso a Suku, kumue la ndatembo ya Mose.
Eci ndatembo ya Mose a mõla viosi eye a lingila omanu oco wa pula hati, Eci o kasi loku lingila omanu oco nye? O tumãlela nye, lika wove, okuti omanu va ku ñuala tunde komẽle toke koñolosi?
Kaliye yevelela handi kondaka yange. Hu imba onumbi, kuenje Suku a kale love. Ove o linga kapitiya pokati komanu la Suku. Olondaka viavo o vi pitiya ku Suku.
Ovo va tetuluila omanu olonjanja viosi. Ondaka yosi yinene veya layo kokuove, puãi ondaka yitito va yi sokiya ovo muẽle. Oco ci ku leluka, kuenje va ku kuatisa.