akpọkwọlẹni ni wẹ isi alị mọbụ fe wẹ; makẹni mmẹ, hụn wụ Osolobuẹ, Chuku ụnụ, wụ Chuku ẹnya a fụ omẹni wẹ ye onyẹ ọzọ ihiẹn runi m. M'e gi njọ ndị ize m e ze e sọn ụmụ wẹ d'e rudẹ agbọ nke ẹtọ lẹ nke ẹnọ.
“Anịlẹ ụlọ ibe i la ị ẹnya, mọbụ nwunyẹ ibe i mọbụ nwata-okẹnnyẹ rị iwe ẹ mọbụ nwata-okpoho rị iwe ẹ mọbụ efin ẹ mọbụ jaki ẹ — mọbụ ihiẹn ọwụlẹ wụ nke ibe i.”
Kẹ ndị Izrẹlụ rị a hụn akpara lẹ amụma ahụn, a nụ opi ahụn rị a hannị lẹ ugu hụ rị a lọpụha ẹnwụnrụn, ẹhụ hụ a ma wẹ nni yeni egun. Wẹ nọ be alị tọnị ugu ahụn,
“ ‘Gi ni ẹjan gbeni m ukpo w'a nọ a chụn ẹjan, ụnụ a nọ elu ẹ a chụn ẹjan ụnụ: ẹjan w'a dụn ọkụn lẹ ẹjan wẹ gi e ye ekele lẹ atụnrụn lẹ ewu lẹ efin ụnụ. Gbe n'ẹ ye ebe ọwụlẹ m jẹnkọ d'a họrị nị w'a nọ a kpọku ẹfan m; m k'a bịa ebẹhụ d'e kunrun ụnụ, gọzi ọnụ.