Chûng chu kûnin chibai i bûk tûr a ni lo va, an rawng i bâwl tûr a ni hek lo. Kei Lalpa i Pathian hi Pathian thîkthuchhe tak ka ni, min hawtute chu an thlah chhuan thum chhuan li thleng pawhin ka hrem ṭhîn a;
A ni sarih ni erawh hi chu Lalpa tâna sabat ni a ni a, hna eng mah i thawk tûr a ni lo; i fapa te, i fanu te, i bawihpa te, i bawihnu te, i ran te, in khaw chhûnga hnam dang awm te pawhin hna an thawk tûr a ni lo.
Lalpa pawhin ni rûk chhûngin tuifinriat te, lei leh vân leh a chhûnga awm zawng zawng te a siam a, a ni sarih ni chuan a châwl a ni. Chuvângin, mal a sâwm a, a serh a ni.
I vêngte in leh lo awt suh; i ṭhian nupui pawh ît suh, a bawihpa emaw, a bawihnu emaw, a bâwng emaw, a sabengtung emaw, a neih eng mah i awt tûr a ni lo,” tiin.
Min biakna hmun tûr ka ruat apiangah ka tân hlum maichâm siam ula, chutah chuan hâlral thilhlan leh remna thilhlan berâm leh bâwngte chu hlân ang che u, ka lo kal ang a, mal ka sâwm ang che u.