Omunu nda iva ongombe pamue omeme kuenje o yipa pamue o yi landisa, ongombe o feta olongombe vitãlo; omeme olomeme vikuãla. O feta muẽle. Nda ka kuete eci a feta vo landisa kuenje evi a nyana vi fetiwa.
Nda omunu o timiha epia liaye pamue ocumbo caye cayuva, kuenje ondalu yaco yenda, yi yoka epia liomunu ukuavo, eye o tiula evi via velapo viovepia liaye levi via velapo viovocumbo caye cayuva.
Nda ondalu yi sambuka ha yi kuata kolosongo, kuenje ovitungu viotiliku vi pia pamue otiliku ka ya keluiwile handi yi pia, pamue epia liaco muẽle li pia, u wa miha ondalu yaco o vi piñainyapo.
Ondaka yosi yoku pindikisa, ci kale ongombe, ci kale ocimbulu, ci kale omeme, ci kale uwalo, ci kale cimue ca nyelẽla, nda umue o linga hati, cange, ukuavo layevo hati, cange, oco ondaka yavo, kavali kavo, yenda kolonganji. U olonganji vi pisa o feta luvali kukuavo.
Nda omunu o pindikisa kukuavo ocimbulu, pamue ongombe, pamue omeme, pamue ocinyama ciñi, oku ci tata kuenje ci fa, pamue ci lemẽhua, pamue ci kuatiwa, lu wa ci mõla ka kuli,