|
| 1 |
|
| «Rodookki Aarooninna oososi Naadaabi, Abihu, Aliaazaarinna Itaamaari Israeelete manni giddonni badde qeese ikkitannoe gede atewa shiqqi assi. |
|
| 2 |
|
| Rodiikki Aaroonira gaamaarretenna biinfilleho ikkannosi gede qeesimmate imaana qixxeessisi. |
|
| 3 |
|
| Aarooni anera baxxe qeesimmatenni soqqamannoe woyite uddi'ranno imaana gantanno gede, imaana ganate ogimma oommonsare woshshi. |
|
| 4 |
|
| Rodiikki Aarooninna oososi uddidhe qeesimmatenni soqqantannoe gede, gagasu kiise, gagasu uddano, hiito, qamise, muraamurritte shamisenna xaaxi'nanni koffiya qixxeessinonsana. |
|
| 5 |
|
| Imaana gantanno ogeeyyeno bule, xiillitte, duumenna culkaame heqonni seesiisse seekkitona. |
|
| 6 |
|
| «Gagasu uddanono bule, xiillitte, duumenna culkaame heqonni seesiisse seekkitona. |
|
| 7 |
|
| Lamenka widiido xaade, lamunku qotira hosanno hoccono worrona. |
|
| 8 |
|
| Aanaanni qodhinanni gede bule, xiillitte, duumenna culkaame heqonni gannoonnita gagasu uddano ledo amadisiinsona. |
|
| 9 |
|
| Lame dilqa kincho haadhe tonaa lamunku Yaiqoobi ooso su'ma aanaho borreessi; |
|
| 10 |
|
| ilamansa garinni, 6 su'ma mittu kinchi aana, gatinoha 6 su'ma layinki kinchi aana borreessi. |
|
| 11 |
|
| Seesiisanno ogeessi gede assite, tonaa lamunku Yaiqoobi ooso su'ma lamunku kinchi aana borreessi; kinnate aanano culku migira seekki. |
|
| 12 |
|
| Israeelete mannira qaaggote ikkanno gede, lamenka kincho gagasu uddano aana noohura lamunku qoti kasira usuri. Kunni garinni ani Kaaliiqi manni'ya su'ma qaageemmo gede Aarooni qotisira duhe uurranno. |
|
| 13 |
|
| Lame culku migira ledde kasu aana seekki; |
|
| 14 |
|
| sissillaminoha 2 filu culki meqeerraasincho kasu ledo xaadisi. |
|
| 15 |
|
| «Maganu hedo xa'mine anfannita gagasu kiise seekki; iseno gagasu uddano gede bule, xiillitte, duumenna culkaame heqonni seesiisse seekki. |
|
| 16 |
|
| Hojjano godowano mitte mitte taakko assine taashshine errona. |
|
| 17 |
|
| Dilqa kincho 4 dira assite wori; umi dirira duumo dilqa, baqqala dilqanna daama xawado dilqa wori; |
|
| 18 |
|
| layinki dirira haanja xoxxorraamo dilqa, bule dilqanna hincilaallaamo dilqa wori; |
|
| 19 |
|
| sayikki dirira duumo dilqa, daama xoxxorraamonna xiillicha dilqa wori; |
|
| 20 |
|
| shoolki dirira bule dilqa, burcuqqaamonna haanja dilqa wori; baalunku gaangaawira culku xiyyo wori. |
|
| 21 |
|
| Tonaa lamente Yaiqoobi ooso su'minni seekkine bonce borreessinoonniti 12 dilqu kinna malaate ikkite heedhona. |
|
| 22 |
|
| Gagasu kiisera filu culkinni sissilline seekkinoonni meqeerraasincho wori. |
|
| 23 |
|
| Lame culku cuue seekkite, gagasu kiisera lamenka widoonni wori. |
|
| 24 |
|
| Sissillinoonnire lamenka culku meqeerraasine, gagasu kiise widoonni noo cuu'a lamente giddora eessi. |
|
| 25 |
|
| Lamunku meqeerraasinchi birxe lamunku migiri ledo amadisiisse gagasu uddano kasi albiidihu ledo xaadisi. |
|
| 26 |
|
| Lame culku kasa seekkite, gagasu uddanora aante noo kiise gagasunnite ledo xaadisi. |
|
| 27 |
|
| Ledde 2 culku kasa seekkite, gagasu uddanora albaanni qotu aanaanni hige dirrinohu gagasu uddano kasi ledo amadisiisse, seesiinse goondoonni hiito ledo xaadisi. |
|
| 28 |
|
| Gagasu kiise lollongitannokki gede, aanase noo kassa gagasu uddano aana noote ledo xaadisse bulu heqichinni usuri. |
|
| 29 |
|
| Aaroonino Qullaawu Minira eanno woyite, ane Kaaliiqi albaanni qaagantanni heedhanno gede tonaa lamente Israeelete ga're su'muwa borreessinoonnita tenne gagasu kiise wodanisi aana duhona. |
|
| 30 |
|
| Aarooni Kaaliiqiwa eanno woyite, Uriiminna Tumiimi yinannire gagasisi kiisera worteenna, ani Kaaliiqi Israeelete qoleemmo dawaro egensiisate wodanisi aana duhona. |
|
| 31 |
|
| «Gagasu uddanora giddoonni uddi'nanni qamise dana gudisse bule ikkitona. |
|
| 32 |
|
| Aleenni goowa worre, dadhantannokki gede goowu laayyo hiiqqine gombona. |
|
| 33 |
|
| Woriidi handaarira qaccetenni qaccete geeshsha bule, xiillittenna duume shalonni shaffo seekkite, mereeroho culku bilbilla qaamo qaamo assite wori. |
|
| 34 |
|
| Culku bilbilanna shaffo qaamo qaamo worranni, qamisete handaarira qaccetenni qaccete geeshsha dirrona. |
|
| 35 |
|
| Aarooni qeesimmatenni soqqamanno woyite tenne qamise uddi'rona; ani noommowa Qullaawu Dargira eannonna fulanno woyite qilleette macciishshantanno daafira reyotenni gatanno. |
|
| 36 |
|
| «Filu culkinni migira seekkite, «Kaaliiqira baxxinoho» yite borreessi. |
|
| 37 |
|
| Konne migirano, xaanxoonni koffiyira albaanni bulu heqichinni rarraasi. |
|
| 38 |
|
| Aarooni albi aana worteenna, Israeelete manni afansha shiqishanno yannara sao assiro, saonsara Aarooni xa'mameenna, ani afanshansa adheemmo gede kuni malaati albisi aana hee'rona. |
|
| 39 |
|
| «Shamise, umoho xaaxi'nanni koffiyanna hallo usudhinanni uddano dancha heqonni goonde seekkinona. |
|
| 40 |
|
| «Aarooni oosora gaamaarretenna seesaho ikkannonsa gede shamissa, seeda koffiyanna hallo usudhinanni uddano seekkinsa. |
|
| 41 |
|
| Hakkunni gedensaanni, rodiikki Aarooniranna oososira uddisiisi; qeesimmatenni soqqantannoe gede buurte, qineessite qullaawoota assi. |
|
| 42 |
|
| Teedinsa leellannokki gede hunda iillitino luko gowisiisinsa. |
|
| 43 |
|
| Sao ikkeennansa reyitannokki gede, Qullaawa Mine soqqantara kakkallanni dargira martanno woyite konne imaana uddidhona; kunino Aarooniranna ilamasi baalantera woga ikkonsana. |
|
|
|
|