o mukateni neitu eisuishieki o mukateni naamelok neitu eisuishieki naatipikaki eilata o loirien o nkaukau o mukateni neitu eisuishieki naaelieki eilata. Te nkano sidai napuyiapui intayu ninche.
Kake ore nkiri o loing'oni, o lchoni lenye o emodiei enye, nipejoo ninche te nkima tialuo ina ang oo lng'oborri; olasar ninye te nkaraki olasar lo ng'ok.
nipejoo olmeregesh pooki te nchumata o lperere lo lasar; olasar opejori te nkima ninye to Laitoriani, esong'ouna naitishipisho o lasar le nkima to Laitoriani.
niyieng ilo meregesh, niya embata o sarge nipik esegerua e nkiok e tatene e Aron o segeruani oo nkiyiaa e tatene oo layiok lenyena, o lmogirrani loo nkaik enye e tatene o lmogirrani loo nkejek enye e tatene, ore ilo sarge otashare olperere lo lasar nisuaaya aitaman.
Nisuaaya olikai sarge otii enchumata o lperere lo lasar o ina ilata naputishoreki nisuaaki Aron o lkilani lenyena, o layiok lenyena o lkilani loo layiok lenyena te nebo ninye. Ore ninye o lkilani lenyena nesinyayu o layiok lenyena o lkilani loo layiok lenyena te nebo ninye.
“Nintoki sii aitayu eilata o lmeregesh o eilata o lkidong'oe o enkurriny e nkoshoke o lkina le moinyua o lairakuj pokira are eeta enkurriny enye o emuro e tatene (amu olmeregesh oputishoreki opikieki Aron o layiok lenyena esiaai sinyati).
Nintoki iyie aitayu too nkaik enye, nipejoo to lperere lo lasar metoponai olasar opejori, pee eaku esong'ouna naitishipisho te dukuya Olaitoriani; olasar le nkima to Laitoriani.
Nintisiny oloikulu lo lasar oyuki o ina muro aa ninye erubata o lapolosani, nayukoki, naa ninye eishoruaki teilo meregesh oputishoreki amu te nkaraki Aron o te nkaraki layiok lenyena.
Naa keaku ninche ine Aron o noo layiok lenyena, erubata enye naisho ninche iltung'ana loo Siraeli anaake, too lasarri lenye le seriani; neaku olasar lenye to Laitoriani.
Ore ake te nkolong nintayu, nipolos oloing'oni pee eaku olasar loo ng'ok lo lning'o lo sotua. Nintayu sii olasar loo ng'ok te nkaraki olperere lo lasar, ti nintayu olning'o lo sotua te ninye nibukoki ninye eilata, aitisiny.
Too nkolong'i naapishana intayu olning'o lo sotua te nkaraki olperere lo lasar, nintisiny, neaku ilo perere lo lasar sinyati oleng; ore pooki toki naiseyie olperere lo lasar neitisinyi.
Ore te nebo ilo kuoo le ker le dukuya irrantilini aare le nkano nasila naipurjare, emborei o ltulet le ilata sidai o emborei o ltulet le naisho oo sabibu pee eaku olasar.
Ore olikae kuo le ker topolosa teipa ninko anaa ilo le tadekenya, nintayu te nebo ninye olasar le nkurma naidong'o o lasar opikuni. Olasar le nkima ele to Laitoriani, neitishipisho esong'ouna enye.