Jawmiraawo wi'i Muusa: “Umma, dillu accu nokkuure nde'e, an e yimɓe ɓe ngurtinɗa lesdi Misra. Yah nder lesdi ndi kunaniimi Ibrahiima e Isiyaaku e Yaakubu, mi bi'ɗo: Mi hokkan ndi danygol ma.
Nden Jawmiraawo wi'i Muusa: “Yeccu Isra'iila'en: Onon on yimɓe saata-ko'e'en. To mi yahdi bee mooɗon wakkati bana ma'annde yiitere tan, fakat mi nattinan on. Jonta, ɓorte fawne mooɗon. Nden kam mi anndan ko mbaɗanmi on.”
Muusa wi'i Jawmiraawo: “Ndaa, a umri yam mi ɗowa ummaatoore nde'e. Ammaa a anndinaay yam moy a nelata ngam wallugo yam. A wi'i boo: Mi anndi ma bee innde ma, mi yerdake ma.
Nden Jawmiraawo wi'i: “Mi saaloto yeeso ma, mi hollete mbooɗeeŋga am fuu, mi wooynan innde am: Jawmiraawo yeeso ma. Mi enɗan mo enɗanmi, mi hinnoto mo kinnotoomi.”