|
| 1 |
|
| Bẹzalẹlụ wẹ nọ gi osisi zeni, osisi akashịa, rụn ẹkpẹti hụ Osolobuẹ sị wẹ rụn: usue ẹ wụ ọbụkụ-ẹtọ lẹ hụn kazị mkpikpi, ụshịa a ọbụkụ ẹbụọ lẹ hụn rulẹni mkpikpi, ojijẹn-elu ẹ ọbụkụ ẹbụọ lẹ hụn rulẹni mkpikpi. |
|
| 2 |
|
| Wẹ gi ezigbo goru wẹ buchelẹni ihiẹn ọzọ nyan a imẹ lẹ azụụn, gizi goru gbihunmẹ ọnụ a. |
|
| 3 |
|
| Wẹ nọ gi goru kpụ ẹgba ohu-ohu ye ụkụ a ẹnịnọ, ẹbụọ azụụnnị, ẹbụọ azụụnnị. |
|
| 4 |
|
| Ya wẹ nọ gi osisi akashịa pịn ẹgbe ẹbụọ, gi goru nyankwama wẹ, |
|
| 5 |
|
| fa ẹgbe ndị hụ ye ẹgba ndị hụ rị ẹkpẹti hụ azụụnnị lẹ azụụnnị nị w'e gi wẹ e bu ẹ. |
|
| 6 |
|
| Wẹ nọ gi ezigbo goru wẹ buchelẹni ihiẹn ọzọ mẹmẹ okun ẹkpẹti hụ, okun w'a nọ a gbarị isi; usue ẹ wụ ụbụkụ ẹtọ lẹ hụn kazị mkpikpi, ụshịa a ọbụkụ ẹbụọ lẹ hụn rulẹni mkpikpi. |
|
| 7 |
|
| Wẹ nọ gi goru wẹ tipịa kpụ ihiẹn nwọn nku ye okun ẹkpẹti hụ isi ẹ ẹbụọ. |
|
| 8 |
|
| Ọ kpụ ihiẹn ndị ahụn nwọn nku ohu-ohu ye isini lẹ isini, hụn wẹ lẹ okun ahụn gi wụrụ ibe ohu. |
|
| 9 |
|
| Ihiẹn ndị ahụn nwọn nku kishi nku elu, shịakpu okun ahụn w'a nọ a gbarị isi. Wẹ ẹbụbụọ chetarị ihun, we ihun kọma okun Ẹkpẹti-nkwerigbama hụ. |
|
| 10 |
|
| Wẹ nọ gi osisi akashịa mẹmẹ teburu-nsọ: usue ẹ wụ ọbụkụ-ẹtọ, ụshịa a ọbụkụ ohu lẹ nkirishi, ojijẹn-elu ẹ ọbụkụ ẹbụọ lẹ hụn rulẹni mkpikpi. |
|
| 11 |
|
| Wẹ nọ gi goru wẹ buchelẹni ihiẹn ọzọ nyankwama a, gizi goru gbihunmẹ ẹ. |
|
| 12 |
|
| E gi wẹ osisi shịahan kẹ ubẹka kiri teburu hụ, gi goru nyan ebe wẹ gi kiri ẹ. |
|
| 13 |
|
| Wẹ nọ gi goru kpụ ẹgba ẹnọ ye ntịn teburu ahụn ẹnọ, ebe ụkụ a ẹnịnọ rịsọnmẹ, |
|
| 14 |
|
| gba ẹgba goru ndị ahụn nọkunmẹ ngọngọn teburu hụ kẹni w'a fa ẹgbe e ye wẹ e gi e bu teburu hụ. |
|
| 15 |
|
| Osisi akashịa kẹ wẹ gi pịn ẹgbe ẹbụọ hụ wẹ gi e bu teburu hụ, gi goru nyan wẹ. |
|
| 16 |
|
| Wẹ nọ gizi ezigbo goru wẹ buchelẹni ihiẹn ọzọ mẹmẹ ihiẹn ndị wẹ lẹ teburu hụ wị: kẹ afẹrẹ-unyẹgbe kẹ afẹrẹ-mgbugbu kẹ mkpu rị ichẹn-ichẹn w'e gi e huye oyiye-manya. |
|
| 17 |
|
| Bẹzalẹlụ wẹ gizi ezigbo goru wẹ buchelẹni ihiẹn ọzọ mẹmẹ obu-ukpẹ. Goru wẹ tipịa kẹ wẹ gi mẹmẹ ẹ, mẹmẹye ẹ ukun lẹ ogwe nọkẹ osisi. Kẹ ukun ẹ kẹ ogwe ẹ kẹ mkpu ẹ ile hụn yisọnmẹ mkpụkpụma lẹ obobo amọndụ wụchanrịn ibe ohu. |
|
| 18 |
|
| Obu-ukpẹ hụ wa agalaba isin: ẹtọ azụụnnị, ẹtọ azụụnnị. |
|
| 19 |
|
| Mkpu ẹtọ-ẹtọ rịsọnmẹ kẹ obobo amọndụ obobo ẹ lẹ mkpụkpụma a rị a, rịsọnmẹ agalaba ọwụlẹ imẹ agalaba isin ahụn rị ogwe ẹ. |
|
| 20 |
|
| Kanị ogwe ẹ nwọn mkpu ẹnọ rịzị kẹ obobo amọndụ hụn obobo ẹ lẹ mkpụkpụma rị a. |
|
| 21 |
|
| Mkpụkpụma ohu rị okpuru agalaba ẹbụọ-ẹbụọ wịsọnmẹ suepụha obu-ukpẹ hụ: ohu okpuru ẹbụọ ibuzọ, ohu okpuru ẹbụọ mẹ wẹ ẹnọ, ohu okpuru ẹbụọ mẹ wẹ isin. |
|
| 22 |
|
| Mkpụkpụma ndị ahụn lẹ agala ndị hụ lẹ ogwe obu-ukpẹ hụ wụ ibe goru wẹ buchelẹni ihiẹn ọzọ, hụn wẹ tipịa. |
|
| 23 |
|
| Wẹ nọ gi ezigbo goru wẹ buchelẹni ihiẹn ọzọ mẹmẹ ukpẹ ẹsa rịn'a lẹ nwa-mbu wẹ lẹ unyẹgbe ẹ. |
|
| 24 |
|
| Talẹnti goru ohu, kilo mmẹnọ kwasị ọgụn (34kg), hụn wẹ buchelẹni ihiẹn ọzọ kẹ wẹ gi kpụ obu-ukpẹ ahụn lẹ ihiẹn ile rịn'a. |
|
| 25 |
|
| Wẹ nọ gi osisi akashịa mẹmẹ ukpo w'a nọ mụ nsẹnsi. Usue ẹ lẹ ụshịa wụ ahanmahan: usue ẹ wụ ọbụkụ ohu lẹ mkpikpi, ụshịa a ọbụkụ ohu lẹ mkpikpi, ojijẹn-elu ẹ ọbụkụ ẹtọ. Ịya lẹ mpịn rịsọnmẹn'ẹ wụ ibe-osisi ohu. |
|
| 26 |
|
| Wẹ nọ gi goru wẹ buchelẹni ihiẹn ọzọ nyanchanrịn elu ẹ ile, ẹhụ a ile lẹ mpịn a ile, gi goru gbihunmẹ ẹ. |
|
| 27 |
|
| Wẹ nọ gba ẹgba ẹbụọ azụụnnị lẹ azụụnnị ye okpuru goru ahụn wẹ gi gbihunmẹ ukpo hụ, nị w'e gi wẹ e kwọndọn akp'osisi wẹ gi e bu ẹ |
|
| 28 |
|
| Wẹ nọ gi akashịa pịn akp'osisi ndị wẹ gi e bu ẹ, gi goru nyankwama akp'osisi ndị hụ. |
|
| 29 |
|
| Wẹ nọ mẹmẹ udẹn-nsọ ntumẹ hụ lẹ nsẹnsi hụ e shin ọhụnma; ndị e mẹmẹ udẹn e shin ọhụnma mẹmẹ wẹ. |
|
|
|
|