Ne gitiyo gi usi mambulu gi maralik kod makwar kuom loso lewni malich mane jodolo rwako ka gitiyo Kama Ler, kendo kuom loso ni Harun lep lemo kaka Ruoth Nyasaye nochiko Musa.
Ne gipamo dhahabu nyaka odoko mareprep, mi ne gilire matindotindo, kendo ne gikade ka tol mondo jatweng’o molony oti kode kaachiel gi usi mambulu gi maralik kod makwar kod law katana maber.
To okanda mane ni kuome nolos machal kode kendo en bende nolose gi dhahabu kod usi mambulu gi maralik kod makwar kod law katana maber, kaka Ruoth Nyasaye nochiko Musa.
Ne giloso law agoko e yo ma jatueng’o molony tueng’oe, ka gitiyo gi dhahabu kod usi mambulu gi maralik kod makwar, kod law katana maber mana kaka niloso efod.
Ne gitueyo ratege mag law agoko e ratege mag efod gi tol mambulu mondo law agoko olier e okanda gi malo, kendo kik ogonyre. Mano e kaka Ruoth Nyasaye nochiko Musa.
Kamano gara nokikore gi gik mong’inore ong’inore e laini achiel e aluora mar riak lawno mogik piny. Lawno nirwako pile kitiyo tich dolo kaka Ruoth Nyasaye nochiko Musa.
kod okanda. Gigo duto nolos gi law katana maber mogoe maradadi gi usi mambulu gi maralik kod makwar, eyo ma jagoro molony goyoe. Mago duto ne gitimo mana kaka Ruoth Nyasaye nochiko Musa.
Ne giloso gima opamore ka san gi dhahabu maler mondo obed osimbo maler kendo ne gindiko kuome ni, “MOWAL NI RUOTH NYASAYE” wechego nogor mana e yo ma jagor kidi goroe.
gi pasia mag laru, gi sirni mage kod rachungine, kaachiel gi pasia man e dhoranga laru, gi tondene kod loyene gi gik moko duto mitiyogo tich Hema Maler, ma en Hemb Romo.