Ore too usin pusi o morijo o mpilei neitobir ninche te nkarriyiano ilkilani sidain, pee eisiaaishoreki te wueji sinyati; neitobir ninche lelo kilani oosinya te nkaraki Aron; anaa enaitanapa Olaitoriani Musa.
Neidong ninche saabu aaitadapash neboru nkorin ronkeni pee easishoreki aaitobirie ina arasha sidai o nena tokitin pusi o morijo o mpilei o kitani napuyiapui napiyaya te nkarriyiano.
Ore ina keene e mpolos naripuno te nkarriyiano neenieki ninye, pee eibung ninye, naa te nena tokitin eripuno o teina arriyiano, te saabu o usin pusi o morijo o mpilei o kitani napuyiapui napiyaya nashetuno anaa enaitanapa Olaitoriani Musa.
Nepik ninye ninche imatuan pokira are oo ronyi le ina kila dorrop, pee eaku isoito oodamishoreki te nkaraki ilayiok le Israel; anaa enaitanapa Olaitoriani Musa.
Kulo apa iltoto tomon aare o nkarn enye anaa inkarn oo layiok lo Siraeli; netiu apa anaa ilmishiren, meeta ake olemeguetakino enkarna enye, too loshon pokira tomon aare.
Neitutum ina kila o lgoo too lgiso lenyena o lelo giso le nkila dorrop te nkeene pus, metaa kepetita ina keene e mpolos narripuno te nkarriyiano ina kila dorrop, pee melolong'u ake teina kila dorrop; anaa apa enaitanapa Olaitoriani Musa.
o ina arasha naenieki endukuya naitobiruno te kitani napuyiapui te nkarasha naripuno sidai o maupen e kitani napuyiapui o nena kilani e atua e kitani napuyiapui;
Neyau ninche ilo ng'obor enetii Musa, ilo ng'obor o ntokitin enyena pooki o lala lenyena oololo o rubat oo sunta enyena o loom lenyena o ng'apeta enyena o ntoneta enyena;
lelo karash ooisiong'a le ndung'oroto o ng'apeta enyena o ntoneta enyena o lkarash le kishomi e ndung'oroto o nkeenta enyena o ncheito enyena; o masaa pooki te nkisiayiare e ilo ng'obor le Nkai; o ilo ng'obor le ntumo;
lelo kilani ooitobiruno te nkisiayiare e wueji sinyati; lelo kilani oosinya le Aron olapolosani o Ilkilani loo layiok lenyena pee easisho anaa ilapolosak.