|
| 1 |
|
| Qeesootu Qullaawa Mine soqqantanni uddidhanno imaana bule, xiillittenna duume shalonni gantu; Aarooniha qullaawa imaana Kaaliiqi Musera hajajino garinni qixxeessitu. |
|
| 2 |
|
| Culkaame gagasu uddano bule, xiillittenna duume shalonni gantu. |
|
| 3 |
|
| Culka gante maniissite xilatu gede assite murmurtu; qolteno heqote gede murmurte karsite hayyotenni bule, xiillittenna duume shalonni seesallitte uddano gantu. |
|
| 4 |
|
| Gagasu uddano duu'ri'nanni kasa, lamenka widoonni wortu. |
|
| 5 |
|
| Kaaliiqi Musera hajajino garinni culku xilatinni bule, xiillittenna duume shalonni seekkine gannoonni hiito mittu daninni gagasu uddano ledo mitteenni seekkitu. |
|
| 6 |
|
| Dilqu kinna culku migiri aana worte aanaho, tonaa lamente Israeelete ga're su'ma borreessitu. |
|
| 7 |
|
| Hakkunni gedensaanni, Kaaliiqi Musera hajajino garinni, Kaaliiqira mannasi qaagiissitannota Israeelete ooso su'ma borreessinoonni kinna, gagasu uddano aana wortu. |
|
| 8 |
|
| Gagasu kiiseno ogimmatenni gagasu uddano seekkini garinni seekkitu. |
|
| 9 |
|
| Iseno shoolenka raga taashshine erroonnite; seendillenna godowa mitte mitte taakkooti. |
|
| 10 |
|
| Dilqa kinna 4 dirinni wortu; umi dirira duumo, baqqalanna daama xawado dilqa, |
|
| 11 |
|
| layinki dirira haanja xoxxorraamo, bulenna hincilaallaamo dilqa, |
|
| 12 |
|
| sayikki dirira duumo, daama xoxxorraamonna xiillicha dilqa, |
|
| 13 |
|
| shoolki dirira bule, burcuqqaamonna haanja dilqa wortu. Kuri baalunku gaangaawira culku shura seekkitu. |
|
| 14 |
|
| Tonaa lamenta Israeelete ga're qaagiissate, mitte mittente Israeelete ga're su'minni 12 kinna wortu. |
|
| 15 |
|
| Gagasu kiisera filu culkinni siiwimma gannoonni meqeerraasine wortu. |
|
| 16 |
|
| Lame culku migiranna lame culku cuue seekkite gagasu kiisera lamenka widoonni xaadisse wortu. |
|
| 17 |
|
| Lamenka culku meqeerraasine gagasu kiisera ka'aanninna kawaanni noo cuu'a ledo xaadissu. |
|
| 18 |
|
| Wole lamu meqeerraasinchi qacce lamunku migiri ledo xaadissu; kunni garinni qotu aanaanni dirranno kasa gagasu uddanohu ledo xaadissu. |
|
| 19 |
|
| Lame culku cuu'a seekkite, gagasu uddanora aante nootera gagasu kiisetera lamente qacce ledo xaadissu. |
|
| 20 |
|
| Hakkunni gedensaanni 2 culku cuue seekkite, gagasu uddanora lamunku qoti kasira woroonni seekkine gannoonni hiito xaadinsannitera aleenni qolte mitteenni amadisiissu. |
|
| 21 |
|
| Kaaliiqi Musera hajajino garinni gagasu kiise aana noo cuu'a, gagasu uddanora noo cuu'a ledo bulu fatilchinni usurtu; gagasu kiise hiitote aleenni noo daafira shoshshoggitannokki gede assite duudhu. |
|
| 22 |
|
| Gagasu uddanora giddoonni uddi'nanni qamise, bulu xilati callunni gannoonnite; |
|
| 23 |
|
| qamisete goowa worre, dadhantannokki gede erre goondoonni. |
|
| 24 |
|
| Qamisete handaarira seekkine suqqinoonnitenni bule, xiillittenna duume shalonni shaffo seekkitu. |
|
| 25 |
|
| Filu culkinni bilbilla seekkite, shaffote mereero qaamo qaamo assite wortu. |
|
| 26 |
|
| Kaaliiqi Musera hajajino garinni, Aarooni soqqanshote fulanno yannara, tenne handaaraho bilbilanna shaffo qaamo qaamo worroonni uddano uddi'ranno. |
|
| 27 |
|
| Aarooniranna oososira shaashshine suqqinoonni fuuttinni shamissa gantunsa; |
|
| 28 |
|
| qolteno umoho xaaxi'nanniha, wodhinanni koffiyanna luko shaashshine suqqinoonni fuuttinni seekkitunsa. |
|
| 29 |
|
| Qodhinanni hiitono Kaaliiqi Muse hajajino garinni, shaashshine suqqinoonnihunni bulu, xiillichunna duumu xilatinni borreessine gannoonnite. |
|
| 30 |
|
| Filu culkinni qullaawa ba'lattora malaate worte seekkite, aanaho «Kaaliiqira baxxitinote» yite borreessitu. |
|
| 31 |
|
| Iseno, Kaaliiqi Muse hajajino garinni, umoho xaaxi'nanni koffiyira albaanni bulu xilatinni usurtu. |
|
| 32 |
|
| Kaaliiqihu Qullaawu Dukkani loosi goofi; Israeele baalanka coye Kaaliiqi Musera hajajino garinni assitino. |
|
| 33 |
|
| Dukkananna ledo uduunne baalanka Musewa haadhe abbitu; uduunnuno: Qarabbate, waalchuwate, waawannate, tuuqqatenna lekkuwansaati. |
|
| 34 |
|
| Guggushshinanniha duumo ge'rechu goga, cuukkinoonni goga, Qullaawu Holgi dukko, |
|
| 35 |
|
| bocame kinna worroonniha Gondooru Taaboota, dawaayyenna maarote barcima, |
|
| 36 |
|
| xarapheezzanna ledosi uduunne, Kaaliiqira shiqinshanniha qullaawa tima, |
|
| 37 |
|
| filu culkinni seekkinoonniha caabbicho worranni uduunnicho, dirroonni caabbiyyenna ledonsa uduunne, caabbiyyete zayitenna ledo uduunne baala, |
|
| 38 |
|
| culkunni seekkinoonniha hixaana giirranni uduunnicho, buurranni zayite, tanni yee su'naanno hixaana, Dukkanu xullichira seekkinoonni dukko, |
|
| 39 |
|
| camotenni seekkinoonniha kakkalote uduunnichonna camonniha buluulo sayisanno uduunnicho, dawaayyenna ledonsa uduunne, hayishshi'nanni saanenna shaese, |
|
| 40 |
|
| Dukkanu nafarira ikkitanno dukkuwa, tuuqqanna lekkuwansa, nafaru xullichira seekkinoonni dukkonna siibba, Dukkana bedeendanni ciffanna Dukkanu giddo uduunne, |
|
| 41 |
|
| qeesichu Aarooninna oososi soqqantanno yannara uddidhannoha qullaawanna biifado imaanaati. |
|
| 42 |
|
| Israeelete manni, Kaaliiqi Musera hajajino garinni baalanka looso loose gudi. |
|
| 43 |
|
| Museno loosamino looso baalanka lai woyite, Kaaliiqi hajajino garinni loosaminota afi. Isino manna maassi'ri. |
|
|
|
|