Firawna ewni Muusa e Haruna, o wi'i ɓe: “Tore Jawmiraawo haa o ittana min paaɓi ɗi'i, min e ummaatoore am fuu. Nden mi accan Isra'iila'en njaha lii'ano Jawmiraawo kirseteeɗi.”
Muusa wi'i Firawna: “Barkaama, wi'am ndey ɗum fottante mi toro Jawmiraawo ngam daliila maaɗa e saraaki'en ma e ummaatoore ma fuu, haa o sottina paaɓi diga ma e diga cuuɗi ma, ɗi lutta nder maayo Niil tan?”
Muusa e Haruna mbaɗi bana non. Haruna forti juŋngo muuɗum, o fiyi mbulwuldi lesdi bee sawru mum. Mbulwuldi lesdi laati cufi, ɗi ngari dow yimɓe e dabbaaji. Mbulwuldi lesdi nder Misra fuu laati cufi.
To a yooftaay ɓe, mi nelan buubi ŋatooji dow maaɗa e saraaki'en ma e ummaatoore ma e nder cuuɗi ma. Cuuɗi Misra'en keewan buubi ŋatooji, non boo lesdi ndi ɓe njooɗi haa maari.
Nyalaade man mi faddan lesdi Goosan haa ummaatoore am jooɗi, taa buubi ŋatooji nasta ton. Bana non anndirta min woni Jawmiraawo mi ɗon koo nder lesdi ndi'i.
Jawmiraawo waɗi bana o wi'no. Mooɓe buubi ŋatooji mawɗe ngari nder saare Firawna e nder cuuɗi saraaki'en maako e nder lesdi Misra fuu. Buubi man mbonni lesdi Misra fuu.
Muusa jaabi: “Fottaay min mbaɗa bana non, ngam ko min lii'anto Jawmiraawo Allah amin, ɗum karamɗum haa Misra'en. To min ɗonno kirsa yeeso Misra'en ko woni karamɗum haa maɓɓe, ɓe piɗataano min bee kaa'e na?