|
| 1 |
|
| N'wana la tlhariheke u tsakisa tata wa yena, Kambe n'wana wo hunguka i nhlomulo eka mana wa yena. |
|
| 2 |
|
| Rifuwo leri kumiwaka hi lavo biha a ri pfuni nchumu, Kambe ku lulama ku ponisa eku feni. |
|
| 3 |
|
| Yehovha a nga tshiki la lulameke a twa ndlala, Kambe wa bakanya ku navela ka lavo biha. |
|
| 4 |
|
| Lowa voko ro loloha u ta pfumala, Kambe mavoko ya switirhi ma ta va fuwisa. |
|
| 5 |
|
| La hlengeletaka hi xirimo i n'wana wo tlhariha, Kambe la etlelaka loko va tshovela i n'wana la khomisaka tingana. |
|
| 6 |
|
| Munhu la lulameke u rhwele ku kateka enhlokweni, Kambe nomu wa lowo biha wu funengeta mona. |
|
| 7 |
|
| Ku tsundzukiwa ka la lulameke i ku kateka, Kambe vito ra lowo biha ri ta bola. |
|
| 8 |
|
| Munhu wa mbilu yo tlhariha u amukela milawu, Kambe xihunguki hi milomu xi ta suva. |
|
| 9 |
|
| La fambaka hi ku lulama u famba hi ku rhula, Kambe la homboloxaka mafambele ya yena u ta tiviwa. |
|
| 10 |
|
| La tshunyetaka hi mahlo u vavisa la lulameke, Kambe xihunguki hi milomu xi ta suva. |
|
| 11 |
|
| Nomu wa la lulameke i xihlovo xa vutomi, Kambe nomu wa lowo biha wu funengeta mona. |
|
| 12 |
|
| Rivengo ri pfuxa timholovo, Kambe rirhandzu ri funengeta ku dyoha hinkwako. |
|
| 13 |
|
| Vutlhari byi kumiwa enon'wini wa la nga ni ku twisisa, Kambe nhonga yi le nhlaneni wa la nga twisisiki. |
|
| 14 |
|
| Lavo tlhariha va tihlengeletela vutivi, Kambe milomu ya swihunguki yi fika eku lahlekeni. |
|
| 15 |
|
| Vukosi bya mufuwi i khokholo ra yena, Kambe vusiwana bya xisiwana i ku lova ka xona. |
|
| 16 |
|
| La lulameke u tirhela ku hanya, Kambe la nga lulamangiki u tirhela ku homboloka. |
|
| 17 |
|
| Ku tsundzuka dyondzo i ndlela ya vutomi, Kambe loyi a alaka ku tshinyiwa wa lahleka. |
|
| 18 |
|
| La fihlaka rivengo u ni nomu wa mano, Kambe la hangalasaka mahlevo i xihunguki. |
|
| 19 |
|
| Eku vulavuleni loko tala, ku dyoha a ku pfumaleki, Hikwalaho, la tikhomaka nomu u tlharihile. |
|
| 20 |
|
| Ririmi ra lowo lulama i silivhere leyi baseke, Kambe mbilu ya lowo biha i swahava. |
|
| 21 |
|
| Milomu ya la lulameke yi hanyisa lavo tala, Kasi swihunguki swi lova hi ku pfumala mano. |
|
| 22 |
|
| Mikateko ya Yehovha yi fuwisa munhu, A nga n'wi engeteli mikarhalo. |
|
| 23 |
|
| Eka xihunguki, ku dlaya, i ku tlanga, Kambe vutlhari i bya munhu la twisisaka. |
|
| 24 |
|
| Lexi lowo biha a xi chavaka, hi xona lexi nga ta n'wi wela ehenhla: Kambe lavo lulama va nyikiwa ku navela ka vona. |
|
| 25 |
|
| Hilaha xihuhuri xi hundzaka hakona, lowo biha u hundzisa sweswo; Kambe la lulameke u tiyile makumu. |
|
| 26 |
|
| Munhu wo loloha eka lava n'wi rhumaka, I ntsuvi enon'wini, ni musi emahlweni. |
|
| 27 |
|
| Xichavo xa Yehovha xi andzisa masiku, Kambe malembe ya vadyohi ma ta komisiwa. |
|
| 28 |
|
| Ku tshemba ka lava lulameke i ku tsaka, Kambe ku langutela ka lava nga lulamangiki ku ta lova. |
|
| 29 |
|
| Ndlela ya Yehovha i khokholo eka la tengeke, Kambe eka lavo homboloka i ku lova ntsena. |
|
| 30 |
|
| La lulameke a nga ka a nga tsekatseki, ni siku ni rin'we, Loko va ri lavo biha, va nga ka va nga hlweri la emisaveni. |
|
| 31 |
|
| Nomu wa lowo lulama wu humesa swo tlhariha, Kambe ririmi lero voyama ri ta susiwa. |
|
| 32 |
|
| Milomu ya lavo lulama yi tiva leswi tsakisaka, Kambe milomu ya lava nga lulamangiki yi tiva ku homboloka ntsena. |
|
|
|
|