|
| 1 |
|
| Xikalo xa vunwa xi vengiwa hi Yehovha, Kambe mpimo lowo lulama wa n'wi tsakisa. |
|
| 2 |
|
| Loko ku humelela ku tikukumuxa, hilaha tingana ti humaka kona, Kambe vutlhari byi le ka lava titsongahataka. |
|
| 3 |
|
| Vunene bya lava lulameke bya va fambisa, Kambe ku homboloka ka timbabva ka ti lovisa. |
|
| 4 |
|
| Rifuwo a ri pfuni nchumu esikwini ra vukari, Kambe ku lulama ku lwela munhu eku feni. |
|
| 5 |
|
| Ku lulama ka loyi a lulameke ku ta n'wi khulelela ndlela, Kasi lowo biha u ta wisiwa hi ku biha ka yena. |
|
| 6 |
|
| Ku lulama ka vanhu lavanene ku ta va ponisa, Kambe ku homboloka ka timbabva ku ta ti phasa. |
|
| 7 |
|
| Siku lowo biha a faka, ku tshemba ka yena ka lova, Ni ku langutela ka la nga lulamangiki ka hela. |
|
| 8 |
|
| Lowo lulama u lweriwa emakhombyeni, Lowo biha u nghena kona ematshan'weni ya yena. |
|
| 9 |
|
| Musandzi u dlaya varikwavo hi nomu wa yena, Kambe lavo lulama va hlayisiwa hi ku tiva. |
|
| 10 |
|
| Lavo lulama, loko va tsakile, muti wa yimbelela, Kambe siku ku lovaka lavo biha, i huwa ya ku tsaka. |
|
| 11 |
|
| Mikateko ya lavo lulama yi akisa muti, Kambe wu hangalasiwa hi milomu ya lavo hiha. |
|
| 12 |
|
| La sandzaka warikwavo a nga na ku anakanya, Kambe la nga ni ku twisisa wa miyela. |
|
| 13 |
|
| La xuxaka hi mahlevo u boxa makungu; Kambe lowa mbilu yo tshembeka u hlayisa timhaka. |
|
| 14 |
|
| Tiko ri wisiwa hi ku pfumala switsundzuxo, Ku hlayiseka ku kona loko vatsundzuxi va tele. |
|
| 15 |
|
| La tinghenisaka emilandzwini ya van'wana u ta gamagameka, Kambe la vengaka ku tiboha hi ku khomana hi voko u le ku rhuleni. |
|
| 16 |
|
| Nsati lonene u tikumela xichavo, Kambe lava nga ni matimba va kuma rifuwo. |
|
| 17 |
|
| Munhu wa tintswalo u endlela moya wa yena vunene, Kambe lowa lunya u tionha miri wa yena. |
|
| 18 |
|
| Lowo biha, u tirha mitirho leyi kanganyisaka, Kambe la byalaka ku lulama u ni hakelo leyi tiyeke. |
|
| 19 |
|
| Ku lulama ka xiviri ku yisa evutomini, Loko a ri loyi a landzelaka swo biha u tsutsumela eku feni. |
|
| 20 |
|
| Va timbilu leto homboloka i manyala eka Yehovha; Kambe lava fambaka hi ku lulama, u tsakisiwa hi vona. |
|
| 21 |
|
| Kunene lowo biha a nga ka a nga tshikiwi ku biwa; Kambe ndyangu wa munhu wo lulama wu ta lamuleriwa. |
|
| 22 |
|
| Wansati wa xiyimo xo saseka la pfumalaka miehleketo, I sindza ra nsuku enhompfini ya nguluve. |
|
| 23 |
|
| Ku navela ka lavo lulama i swinene ntsena; Ku tshemba ka lavo biha i ku kariha. |
|
| 24 |
|
| Un'wana wa hanana, kasi wa engeteriwa; Un'wana wa tsonana, kambe u hundzuka xisiwana. |
|
| 25 |
|
| La hananaka u ta nona, La cheletaka u ta cheletiwa na yena. |
|
| 26 |
|
| Loyi a alaka ni mavele ya yena u ta rhuketeriwa hi vanhu, Kambe la pfumelaka ku xavisa wona mikateko yi ta va enhlokweni ya yena. |
|
| 27 |
|
| La phikelelaka vunene u ta kuma tintswalo, Kambe la lavaka swo biha u ta khomiwa ha swona. |
|
| 28 |
|
| La tshembaka rifuwo ra yena u ta wa, Kambe lavo lulama va ta kula kukotisa matluka ya mirhi. |
|
| 29 |
|
| La pfilunganyaka yindlu ya yena, ndzhaka ya yena yi ta va mheho ntsena, Xihunguki xi ta va nandza wa munhu wa mbilu yo tlhariha. |
|
| 30 |
|
| Mihandzu ya munhu wo lulama i murhi wa vutomi; La tlhariheke u tikumela timbilu ta vanhu. |
|
| 31 |
|
| Hambi a va la lulameke, wa hakeriwa laha emisaveni, Swi to yini eka lowo biha ni mudyohi! |
|
|
|
|