×

Ika Bible 2018

Itẹn 22

1
Ezigbo ẹfan ka mma karị okẹn akụ-lẹ-ụba; nị we e ku oku ịhịan ọhụnma ka mma karị siliva lẹ goru.
2
Ihiẹnni kẹ ọdanfịn lẹ ogbẹnnyẹ gi wụ ohu: Osolobuẹ ke wẹ ile.
3
Onyẹ nwọn uche a hụn eje-ihiẹn, a warị, kanị onyẹ nwọnlẹni ihiẹn ọ marịn a tọ e jẹn, eje-ihiẹn ahụn e kunrun ẹ.
4
Iwelụa-enwẹn ịhịan alị lẹ ịtụ-egun Osolobuẹ e wẹhẹ akụ-lẹ-ụba, ọghọ lẹ ndụn.
5
Ogun lẹ ọnyan rịsọnmẹ ụzọ onyẹ eje-omumẹ, kanị onyẹ kpọ ndụn a ihiẹn a gbanị wẹ ọsọ.
6
Kuzi nwa-ndu k'o furu n'o bi, o higụdẹ, ọ ghakọ a pụ.
7
Ọdanfịn a kị ogbẹnnyẹ, onyẹ zinnarịnnị wụ odibo onyẹ zinyen'ẹ.
8
Onyẹ hụn a kụn eje-omumẹ k'a ghọrị nsọngbu, ọkpọ hụn o gi a kpa ikẹn ahụn k'a kpagi.
9
Onyẹ a ha ẹka k'e nwọn ngọzi, makẹni o yebeye ndị igbẹnnyẹ ihiẹn-oriri ẹ.
10
Chụpụ onyẹ-nlelịa, ikpe a pụ, ndọndọ lẹ mkpari a kụsị.
11
Onyẹ ezioku a sụọ k'a wụrụ ọwụ eze yeni oku rị mma a gha a ọnụ a pụha.
12
Osolobuẹ e che onyẹ marịn ihiẹn nche, kanị ọ kpayịya oku-ọnụ ndị ntụ.
13
Onyẹ-nzụnzụn sị, “Ẹwọrọ rị ezi! Wẹ k'e gbukwọ m tọ ogbe!”
14
Ọnụ okpoho ẹnya a rị ogbe nọ kẹ mgbugbu mini; okẹnnyẹ ọnụma Osolobuẹ sọnkọ k'a danban a.
15
Nzuzu-nzuzu rị nwata isi, kanị mkpịnsịn wẹ gi a zụn a a chụpụ a ya.
16
Kẹ onyẹ hụn e mẹgbu ndị igbẹnnyẹ e gi ẹ e hiwaye ọdanfịn kẹ onyẹ hụn e ye ọdanfịn ihiẹn, ogbẹnnyẹ kẹ wẹ ẹbụbụọ a dan.
17
Gọn ntịn, nụ ihiẹn ndị marịn ihiẹn ku; bu obi che ihiẹn m rị a kuzi,
18
makẹni ọ rịka mma n'i bu oku ndịnị che obi i, bu wẹ ile dọnmẹ ọnụ ị.
19
Kẹni i hụn ụzọ gi Osolobuẹ dọn ẹnya haịn m gi rị a kuzi i tannị — ịyụ lẹ enwẹn i.
20
E detugụọnịnị m'ị ihiẹn iri kwasị ọgụn wẹ gi a dụn ọdụn, a marịn ihiẹn?
21
I k'e gi ẹ marịn ezioku lẹ oku wẹ gi e dọn ẹnya, kẹni i s'ẹka we azịza rị mma jẹnni ndị hụn zin'i.
22
Emẹgbukwọlẹ ịhịan makẹni ọ wụ ogbẹnnyẹ, abịangbukwọlẹ ịhịan ọgwa makẹni onwọn ịhịan —
23
Osolobuẹ k'e kinni wẹ ọnụ wẹ, narịngwarị ndị narịn wẹ ihiẹn.
24
Ahanlẹ onyẹ e bu olulu ọwụ, esọnlẹ onyẹ e bukẹnrin olulu kpa —
25
amamgbe y'a mụnarịn a omumẹ ẹ, bu enwẹn i che ọnyan.
26
Emẹkwọlẹ onyẹ e biyesọnmẹni ịhịan ẹka, onyẹ e gi ihiẹn ẹ a gbamasọnmẹ ibe;
27
o ru tan nị y'e nwọn ihiẹn y'e gi kụ ụgwọ, wẹ k'e bunarịn ị ihiẹn i gi a ranhịn ebe i dinẹdẹ elu ẹ.
28
Etuzụkakwọlẹ ihiẹn okẹn hụn ndị nẹdi ụnụ tumẹ ẹdẹi.
29
Ya hụnghọ onyẹ marịn ọrụn? Ndị-nze k'o k'a rụnnị ọrụn, ẹlẹ ndị mmaka k'o k'a rụnnị.
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes