|
| 1 |
|
| Nɔ jɛlɔs bad mɔtalman, ɛn nɔ jɔyn kɔmpin wit am. |
|
| 2 |
|
| Wetin i sidɔm fɔ gbɛt na fɔ du bad, ɛn ɛnitɛm we i opin in mɔt, na trɔbul. |
|
| 3 |
|
| Na sɛns pɔsin de yuz fɔ bil os, na sɛns i de yuz fɔ le gud fawndeshɔn. |
|
| 4 |
|
| Na sɛns i de yuz fɔ put ɔlkayn dia ɛn fayn dɛkɔreshɔn de. |
|
| 5 |
|
| Man we gɛt sɛns gɛt pawa pas man we gɛt trɛnk; pawa pas trɛnk, |
|
| 6 |
|
| bikɔs na yu sɛns yu de yuz fɔ plan fɔ go fɛt wa, ɛn di mɔ yu gɛt gud advays, na di mɔ chans yu gɛt fɔ win. |
|
| 7 |
|
| Tumɔs sɛns tɔk tu dip fɔ fulman fɔ ɔndastand. Usay sɛnsman dɛn de tɔk, fulman kin jɛs mumu. |
|
| 8 |
|
| Udat lɛk fɔ de plan bad, dɛn go se i ambɔgin. |
|
| 9 |
|
| Ɛnitin we fulman plan na sin ɛn udat nɔ de tek natin mek natin na pɔsin we nɔbɔdi nɔ want nia am. |
|
| 10 |
|
| If yu giv ɔp di tɛm we prɔblɛm mit yu, wɛl, yu nɔto bɛtɛ pɔsin. |
|
| 11 |
|
| Nɔ fred fɔ sev pɔsin we dɛn de go kil fɔ natin. |
|
| 12 |
|
| If yu se nɔto yu biznɛs, yu nɔ tink se PAPA GƆD de si yu? In we de kɔba yu ɛvride ɛn no wetin yu de tink, i nɔ go pe yu fɔ wetin yu du? |
|
| 13 |
|
| Mi pikin, de it ɔni bikɔs i gud fɔ yu. Lɛkɛ aw ɔni swit na mɔt, |
|
| 14 |
|
| na so sɛns gud fɔ yu layf; if yu gɛt sɛns, dat na yu abop fɔ di bambay, ɛn yu nɔ go ɛva disapɔynt. |
|
| 15 |
|
| Nɔ le ambush fɔ atak pɔsin we de waka tret na PAPA GƆD in yay nain os, nɔ ambɔg am atɔl; |
|
| 16 |
|
| i lɛk ɔmɔs tɛm pɔsin we de waka tret na PAPA GƆD in yay fɔdɔm i de grap bak, bɔt wɛn bad pɔsin fɔdɔm, i nɔ de ɛva grap. |
|
| 17 |
|
| Nɔ laf wɛn yu ɛnimi fɔdɔm, nɔ gladi we i staga ɛn fɔdɔm. |
|
| 18 |
|
| If yu du dat PAPA GƆD go vɛks pan yu dɔn i nɔ go pɔnish am igen |
|
| 19 |
|
| Nɔ wɔri yusɛf bikɔs ɔf bad mɔtalman; nɔ jɛlɔs dɛn, |
|
| 20 |
|
| bikɔs nɔn bɛtɛ tin nɔ de fɔ am tumara, i go day. |
|
| 21 |
|
| Mi pikin, ɔna ɛn rɛspɛkt PAPA GƆD ɛn di kiŋ, nɔ fala nɔbɔdi fɔ biev lɛkɛ rebɛl pan dɛn, |
|
| 22 |
|
| bikɔs wɛn yu nɔ mekɔp nain dɛn go ib masibo pan yu, ɛn yu nɔ go ebul fɔ no aw fa di trɔbul go go. |
|
| 23 |
|
| Dɛn wan yaso sɛf na ɔda gud advays: I nɔ fayn we yu de jɔj kes yu tek wan pɔsin in pat. |
|
| 24 |
|
| Ɛnibɔdi we de jɔj kes we fri pɔsin we gilti, ɔlman go swɛ am ɛn bɔku kɔntri go was mɔt pan am, |
|
| 25 |
|
| bɔt di jɔj we sɛntɛns udat gilti go gɛt prez ɛn gud nem, i go gɛt blɛsin. |
|
| 26 |
|
| Ɛnibɔdi we tɔk tru de sho lɔv lɛkɛ we pɔsin kin kis in kɔmpin. |
|
| 27 |
|
| Mek yu plan gud, mek yu fam ɛn plant bifo yu de se yu de bil os. |
|
| 28 |
|
| Nɔ tinap as witnɛs fɔ yu kɔmpin we yu nɔ gɛt rizin, ɛn nɔ lay de. |
|
| 29 |
|
| Nɔ se yu de tɔn dɛt gi yu kɔmpin ɛn dil wit am fɔ wetin i du yu. |
|
| 30 |
|
| A bin de waka wande na wan lesman in fam, man we nɔ gɛt sɛns in greps gadin, |
|
| 31 |
|
| nain wantɛm a si soso chukchuk, na soso gras bin kɔba di wanol ples ɛn di wɔl sɛf bin dɔn brok. |
|
| 32 |
|
| A luk pin ɛn tink to misɛf ɛn pik sɛns. |
|
| 33 |
|
| I se lɛ in jɛs gɛt smɔl slip nɔmɔ, lɛ i nɔd lilibit, lɛ i jɛs fol in an ɛn blo lilibit; |
|
| 34 |
|
| na so i tek tɔn popoliopo bikɔs i de slip nɔmɔ. Ɛn na so po go atak am lɛkɛ am rɔba. |
|
|
|
|