|
| 1 |
|
| Batho ba babe se ba kganyoge; se dume go dula le bona. |
|
| 2 |
|
| Gobane pelong ke bareratshenyo; melomo ya bona e rera tša bošaedi. |
|
| 3 |
|
| Ngwako o agwa ka bohlale; o thewa ka tlhaologanyo. |
|
| 4 |
|
| Ke ka tsebo polokelo ge di tlala thoto ya mehuta, ya bohlokwa le matsaka. |
|
| 5 |
|
| Monna yo bohlale ke yo matla; yo tsebo o bona tše a di kgonago. |
|
| 6 |
|
| Gobane tlhabano e kgonwa ka tlhatho; phenyo e tla ka baeletši ge ba atile. |
|
| 7 |
|
| Lešilo mahlale ga le a fihlele; a le se ahlame letlatsweng. |
|
| 8 |
|
| Monagana bošaedi o tlo ba a tsebja e le yena rabohlola. |
|
| 9 |
|
| Go akanya tša bošilo ke sona sebe; wa lonya batho ba a mo nyenya. |
|
| 10 |
|
| Go nolega moko mohla wa tlalelo. Gona matla ago ga se a selo. |
|
| 11 |
|
| Namolela baišwalehung! Ge o ka diega, ba tlo wela polaong. |
|
| 12 |
|
| Ge o ka re: Re be re sa tsebe! Mofenyekapelo yena o tlo tseba; o hlapetša pelo yago a e tseba; o lefetša motho se a se dirago. |
|
| 13 |
|
| Ngwanaka! Jaa dinose! Ke tše bose! Todi ya tšona e tlo go tsefela mo ganong. |
|
| 14 |
|
| Tseba gore le bohlale bo go dira tšonatšeo mo pelong, ge o bo bone. Tše di tlo go tla di tlo ba gona; mme o ka se senyegelwe ke lehutšo. |
|
| 15 |
|
| Wena mothomobe! Se khukhunetše motse wa yo bolo; o se mo senyetše felo ga makhutšo. |
|
| 16 |
|
| Gobane moloki, le ge a ka wa gašupa, o tlo fela a tsoga; mme ba babe ba wela bobeng. |
|
| 17 |
|
| O se ke wa sega ge go wile naba lago; ge le ka kgopja, pelo ya gago e se ke ya thaba. |
|
| 18 |
|
| Ge Morena a go bona, di ka mmefela; a lesa yola, a galefela wena. |
|
| 19 |
|
| Ba babe o se ke wa ba jela pelo; o se kgarametšege go bona bakgopo. |
|
| 20 |
|
| Gobane ka moso e mobe a ka se tšwe le selo; lebone la bakgopo le tlo tima. |
|
| 21 |
|
| Ngwanaaka! Sia Morena o šie le kgoši; o se ke wa tlwaelana le batsoti. |
|
| 22 |
|
| Gobane ba tlo tšhoga ba wetšwe ke kotsi; mme mo ba yago go felela gona ga go tsebje. |
|
| 23 |
|
| Tše dingwe tša bahlale šidi: Go emela motho sepitša ga se moahlolelo o botse. |
|
| 24 |
|
| E a rego: O yo bolo a era sehlola, batho ba tlo mo roga, setšhaba se tlo mo hlala. |
|
| 25 |
|
| Go ratega ba moahlolelo wa go loka; bona ba tlo tlelwa ke ditšhegofatšo tše di botse. |
|
| 26 |
|
| Momphetolasenna o nkatla molomo. |
|
| 27 |
|
| Phetha mediro ya gago ya ntle, o itemele tšhemo; e be gona o agago ntlo ya gago. |
|
| 28 |
|
| O se ke wa ba hlatse ya go lwa le motho a se ne molato; o se ke wa ferekanya taba ka molomo wago. |
|
| 29 |
|
| Se re: Ke mo dira se a ntirilego sona, ke lefetša tiro tšagwe. |
|
| 30 |
|
| Nkile ka feta tšhemong ya sebodu, le serapeng sa monna a se nago mogopolo. |
|
| 31 |
|
| Ka hwetša go medile tshehlo mo go fela, mokolonyane o enetše, le legora le onetše. |
|
| 32 |
|
| Ka di bona mme ka eleletša, ka hwetša e le thuto ye e rego: |
|
| 33 |
|
| Ke sa ya le borokonyana! Ke sa bo re šwaa! Ke sa hunyetša matsogo ke robetše. |
|
| 34 |
|
| Mme tšhego ya go tlela bjalo ka mokhukhunetši; bohloki bja go tlela wa mogale. |
|
|
|
|