×

أَتَّوْرَتْ دَ أَنَّبَاوَا 2020

Karin Magana 28

1
مُوغُ يَكَنْ غُدُ بَا مَيْ كُواْرَرْسَ، عَمَّا مَيْ أَدَلْثِے يَنَ يِنْ ذَمَنْسَ أَ سَكٜىٰ كَمَرْ ذَاكِ؞
2
ڧَسَا مَيْ عَيْكَتَ ذُنُوبِ، تَكَنْيِ تَثَنْجَ مَاسُ مُلْكِ دَيَوَ؞ عِنْدَ مَيْ مُلْكِ يَكٜىٰدَ غَانٜىٰوَ دَ سَنِ، ڧَسَا تَكَنْ كَڢُ تَكُمَ دَوَّمَ؞
3
مَتَلَوْثِ مَيْ دَنّٜىٰ مَرَسَ ڧَرْڢِے كَمَرْ ضُوً ڧَنْڧَرَنٜىٰ مَيْ لَلَتَرْدَ أَمْڢَانِنْ غُواْنَ؞
4
مَيْ ڧِنْ بِيَيَّ دَ دُواْكَا يَنَ يَبُوانْ حَلِنْ مُوغَيٜىٰ، عَمَّا مَيْ ڧُواْڧَرِنْ كِيَايٜىٰ دُواْكَا يَنَ غَابَادَ حَلِنْ مُوغَيٜىٰ؞
5
مُوغَيٜىٰ بَسُ غَانٜىٰ شَرِيعَرْ غَسْكِيَابَ، عَمَّا مَاسُ نٜىٰمَنْ يَهْوٜىٰهْ سُنْ غَانٜىٰ سُواْسَيْ؞
6
ڠُومَّ ذَمَنْ تَلَكَ تَرٜىٰدَ مُتُنْثِ، دَ ذَمَنْ مَيْ أَرْزِڧِ دَ رَايُوَرْ ݣُونَ ݣُونَ؞
7
مَيْ كِيَايٜىٰ دُواْكَا، طَا مَيْ حِكِمَنٜىٰ، عَمَّا أَبُواْكِنْ یَنْ إِسْكَ يَكَنْ جَٰوُاْوَ بَابَنْسَ كُنْيَا؞
8
وَنْدَ يَتَارَ أَرْزِڧِ تَوُرِنْ ڧَظَامَرْ رِيبَ، يَنَ تَارَ وَوَنِ نٜىٰ مَيْيِ وَتَلَكَاوَا أَلْحٜىٰرِ؞
9
عِدَنْ مُتُمْ يَڧِ كَسَ كُنّٜىٰ غَ دُواْكَا، أَدُّعَرْسَ مَا أَبِنْ ڨَمَثٜىٰ؞
10
دُكْ وَنْدَ يَسَا مَيْ غَسْكِيَ أَ ظُوثِ يَبِے حَنْيَرْ مُغُنْتَا، شِ دَ كَنْسَ ذَيْ ڢَاطَ ثِكِنْ رَامِنْ، عَمَّا مَرَرْ لَيْڢِے ذَيْسَامِ غَادُواْ مَيْݣَوْ؞
11
أَ عِدُوانْ مَيْ أَرْزِڧِ، شِے مَيْ حِكِمَنٜىٰ، عَمَّا تَلَكَ مَيْ غَانٜىٰوَ يَكَنْ تُواْنَ أَسِيرِنْسَ؞
12
سَعَدَّ مُتُمِنْ أَدَلْثِے يَثِ نَصَرَا، كُواْوَ دَ كُواْوَ يَكَنْيِ مُرْنَ، عَمَّا سَعَدَّ مُوغُ يَهَوْ مُلْكِ، مُتَنٜىٰ سُكَنْ غُدُ سُٻُيَ؞
13
دُكْ وَنْدَ يَرُڢٜىٰ ذُنُبَنْسَ، بَذَيْ ثِيغَبَبَ، عَمَّا وَنْدَ يَڢُرْتَ يَكُمَ ڧِيسُ، ذَيْسَامِ جِنْڧَيْ؞
14
مَيْ أَلْبَرْكَنٜىٰ شِے وَنْدَ يَكٜىٰ ڟُواْرُوانْ يَهْوٜىٰهْ كُلُّمْ، عَمَّا شِے وَنْدَ يَتَوْرَرَ ذُوثِيَارْسَ، ذَيْ ڢَاطَ ثِكِنْ مَسِيڢَ؞
15
كَمَرْ ذَاكِ مَيْ رُورِ كُواْ بٜىٰيَرْ مَيْ ڢَرَوْتَ، حَكَ مُوغُنْ سَرْكِے مَيْ ڟُواْرَتَرْدَ تَلَكَاوَا يَكٜىٰ؞
16
سَرْكِنْ دَ بَاشِ دَ غَانٜىٰوَ مُوغُنٜىٰ مَيْ دَنِّيَ، عَمَّا وَنْدَ يَڧِ ڧَظَامَرْ رِيبَ ذَيْ دَطٜىٰ عَدُونِيَا؞
17
مُتُمِنْ دَ أَلْحَكِنْ جِنِنْ وَنِ يَكٜىٰيِ مَسَ دَنِّيَ، ذَيْ يِتَغُدُ حَرْ لُواْكَثِنْ مُتُوَرْسَ، كَدَ وَنِ يَتَيْمَكٜىٰشِ؞
18
مَيْ تَڢِيَ ثِكِنْ مُتُنْثِ، ذَاعَ ثٜىٰثٜىٰشِ، عَمَّا مَيْ رَايُوَرْ ݣُونَ ݣُونَ، ذَيْ ڢَاطِ؞
19
وَنْدَ يَنُواْمٜىٰ غُواْنَرْسَ ذَيْسَامِ إِسَشّٜىٰنْ عَبِنْثِ، عَمَّا وَنْدَ يَكٜىٰبِنْ أَيُّكَنْ بَنْظَ ذَيْ جَٰوُاْ وَكَنْسَ إِسَشّٜىٰنْ تَلَوْثِ؞
20
مَيْ أَمِنْثِ ذَيْثِكَ دَ أَلْبَرْكُ، عَمَّا مَيْ نٜىٰمَنْ سَامُنْ أَرْزِڧِ دَ سَوْرِ، بَذَيْ كُٻُتَ دَغَ حُكُنْثِبَ؞
21
نُونَ بَمْبَنْثِ بَا ݣَوْ، دُكْدَهَكَ، دُواْمِنْ سَامُنْ عَبِنْثِ كَطَنْ، مُتُمْ ذَيْ عَيْكَتَ مُغُنْتَا؞
22
مَيْ ضُواْوَ يَكَنْ سُواْ يَيِ أَرْزِڧِ دَ سَوْرِ، بَايَ كُوَ تُنَانِ ثٜىٰوَ تَلَوْثِ ذَيْ ڢَاطُواْ مَسَ؞
23
دُكْ وَنْدَ يَڟَاوَتَا وَمُتُمْ، ذَيْ كَرْٻِ ڢَضٍ جِنِ دَغَ بَايَ، ڢِيٜىٰدَ مَيْ يَوَنْ يِمَسَ ذَاڧِنْ بَاكِ؞
24
دُكْ مَيْيِ وَبَابَنْسَ كُواْ مَامَرْسَ سَاتَا، يَنَ ثٜىٰوَ «أَيْ، وَنَّنْ بَلَيْڢِے بَنٜىٰ،» دَيْدَيْ دَ طَنْ ڢَشِنٜىٰ شِے؞
25
مَيْ ݣُوطَيِ يَكَنْ تَادَ ڢَطَ، عَمَّا مَيْ دُواْغَضَ غَ يَهْوٜىٰهْ ذَيْ يَلْوَتَ؞
26
مَيْ دُواْغَضَ غَ كَنْسَ وَاوَا نٜىٰ، عَمَّا مَيْ تَڢِيَ دَ حِكِمَ ذَيْ ڟِيرَا؞
27
مَيْ بَايَرْوَ حَنُّ سَكٜىٰ غَ تَلَكَاوَا بَذَيْ رَسَ كُواْمٜىٰبَ، عَمَّا مَيْ رُڢٜىٰ عِدُواْ غَ بُڧَاتَرْسُ، ذَيْسَامِ لَعَنَ دَيَوَ؞
28
سَعَدَّ مُوغَيٜىٰ سُكَ هَوْ مُلْكِ، مُتَنٜىٰ سُكَنْ غُدُ سُٻُيَ، عَمَّا سَعَدَّ مُوغَيٜىٰ سُكَ مُتُ، مَاسُ أَدَلْثِے سُكَنْ ڧَارُ؞
Hausa Bible Arabic 2020
Hausa Common Language Ajami Bible The Bible Society of Nigeria, 2020
:
Adana Bayanan kula