|
| 1 |
|
| Onyẹ eje-omumẹ a gba ọsọ bụ onwọnni onyẹ chụkọn'a, kanị onyẹ ezi-omumẹ e mẹ kẹ ẹwọrọ hụn egun ghalẹni a tụ. |
|
| 2 |
|
| Alị nupụ isi okpuru Osolobuẹ, ndị ọkịkị e bu ọda, kanị onyẹ nwọn nghọta lẹ amamihiẹn e mẹ alị e nwọn udọn lẹ usọnrọn. |
|
| 3 |
|
| Ogbẹnnyẹ hụn a kịgbu ndị igbẹnnyẹ rịhụ kẹ okẹn-mirin e wiwi ihiẹn-ugbo. |
|
| 4 |
|
| Ndị gbakịtọgụ Iwu-Osolobuẹ azụụn a ja ndị eje-omumẹ mma, kanị ndị e sọn Iwu-Osolobuẹ a ra yeni wẹ efe. |
|
| 5 |
|
| Ndị-ejẹ ara ghọta ihiẹn wụ igi ẹka ohu e sọn ịhịan ile, kanị ndị a chọ uche Osolobuẹ a ghọtachanrịn a ọhụnma. |
|
| 6 |
|
| Ogbẹnnyẹ e dọnmẹ ẹka a ọchan ka mma karị ọdanfịn ghalẹni e dọnmẹ ẹka a ọchan. |
|
| 7 |
|
| Onyẹ e dọnmẹ Iwu-Osolobuẹ wụ nwa nwọn uche, kanị hụn e sọn ndị okẹn ihiẹn-oriri e gbe ifẹnrẹn e ye nẹdi ẹ ihun. |
|
| 8 |
|
| Onyẹ hụn e gi okẹn ọmụnịnwa e hiwaye ọdanfịn rị a kpatọnị onyẹ e mẹni ndị igbẹnnyẹ ọhụnma. |
|
| 9 |
|
| Onyẹ sị o gọnkọ ntịn Iwu-Osolobuẹ, ekpere ẹ wụdẹ arụ ebe Osolobuẹ rị. |
|
| 10 |
|
| Onyẹ du onyẹ ezi-omumẹ ye ụzọ rịlẹni mma k'a danban ọnyan ya lẹ enwẹn ẹ shitọ, kanị ndị e mẹ mma jẹnkọ d'e nwọnhẹn ihiẹn rị mma. |
|
| 11 |
|
| Ọdanfịn nwọn ikẹn ro n'ọ marịnka, kanị ogbẹnnyẹ hụn nwọn nghọta a hụnchanrịn a k'ọ nọ. |
|
| 12 |
|
| Ndị ezi-omumẹ mẹri, okẹn ịghọghọ a rị, kanị ndị eje-omumẹ kịma, ịhịan a warịma. |
|
| 13 |
|
| Ara masịnị onyẹ hụn e kpumẹ njọ a, kanị onyẹ hụn e kupụha njọ a, e bihutọ ẹka, kẹ wẹ e mẹni omikẹn. |
|
| 14 |
|
| Onyẹ hụn a kpachanpụ ẹnya e bi ogẹn ile e nwọnkẹ ngọzi, kanị hụn a gba isi-akwanran a danban eje-ihiẹn. |
|
| 15 |
|
| Onyẹ eje-omumẹ hụn rị a kị ndị nwọnlẹni eyemẹka rịhụ kẹ ẹwọrọ rị e dẹnni mọbụ eje-anụ biẹ rị a zụnburu ihiẹn o k'e gbu. |
|
| 16 |
|
| Ọnapụ-ọnapụ kẹ onyẹ-ọkịkị nwọnlẹni nghọta a napụ, kanị onyẹ-ọkịkị eje-erere e ze ize k'a tọ. |
|
| 17 |
|
| Onyẹ gbu ọchụn obi rị e gbu mgbu k'a tọ a gba ọsọ ihiẹn hụ o mẹ o we nwụn — onyẹ ọwụlẹ ebuchekwọlẹn'a ọnụ. |
|
| 18 |
|
| Onwọnni ihiẹn e mẹ onyẹ e dọnmẹ ẹka a ọchan, kanị onyẹ ụzọ a mẹ ghẹrẹ-ghẹrẹ-ghẹrẹ k'a dan idẹnmizi. |
|
| 19 |
|
| Onyẹ rụn ugbo ẹ ọ hụn ihiẹn-oriri rijun ẹfọ, kanị onyẹ tọ iroro-ọdanfịn a tụ ọ wụrụ ogbẹnnyẹ mgbeleke. |
|
| 20 |
|
| Onyẹ hụn tọ e mẹ ihiẹn furuni e nwọnhẹn ngọzi ọhụnma-ọhụnma, kanị onyẹ a hụhụ n'o hi ọdanfịn a lakọ mmaka. |
|
| 21 |
|
| Igbeyeni ịhịan ajọka njọ: bụ ịhịan e mẹdẹ eje-ihiẹn makẹni a ghagụọ wẹ azụụn ye wẹ ẹkẹrẹ brẹdi. |
|
| 22 |
|
| Onyẹ-atịntịn a chọkẹnmẹ n'o hi ọdanfịn, bụ ọ marịn n'o jẹnkọ d'a dan ogbẹnnyẹ. |
|
| 23 |
|
| Onyẹ hụn jụgbọ ịhịan kẹ wẹ e ku oku ẹ ọhụnma ikpanzụụn karị onyẹ hụn a ja a ọjịja ọnụnụ-ire. |
|
| 24 |
|
| Onyẹ hụn e zun nẹdi ẹ mọbụ nnẹ ẹ ohin, sị, “Ẹlẹ njọ” — lẹ onyẹ e tikpọ ịhịan wụ ohu. |
|
| 25 |
|
| Onyẹ ẹnya-uku e buhẹ ikpe, kanị o k'a masịnị onyẹ hụn gi Osolobuẹ e dọn ẹnya. |
|
| 26 |
|
| Onyẹ gi enwẹn ẹ e dọn ẹnya wụ nzuzu, kanị onyẹ gi amamihiẹn e bi k'a wanahịn. |
|
| 27 |
|
| Onwọnni ihiẹn k'a kọ onyẹ e ye ndị igbẹnnyẹ ihiẹn, kanị ọnụ-ẹsọn bu ọda e sọn onyẹ a hụn ndị igbẹnnyẹ a nyụnma ẹnya. |
|
| 28 |
|
| Ndị eje-omumẹ kịma, ịhịan a warịma, kanị ndị eje-omumẹ dan, ndị ezi-omumẹ a waye. |
|
|
|
|