|
| 1 |
|
| Anak, indi pagkalimti ang ginatudlo ko sa imo. Dumdoma sa gihapon ang akon mga sugo sa imo, |
|
| 2 |
|
| kay ini magahatag sa imo sing malawig kag mainuswagon nga kabuhi. |
|
| 3 |
|
| Indi pagpabayai ang imo pagkamainunongon kag pagkamatutom, kundi ipangulintas ini kag hupti ini sa imo tagipusoon. |
|
| 4 |
|
| Kon himuon mo ini, mahamuot sa imo ang Dios kag mga tawo. |
|
| 5 |
|
| Magsalig ka sa Ginoo sa bug-os mo nga tagipusoon kag indi ka magsalig sa imo kaugalingon nga kaalam. |
|
| 6 |
|
| Dumdoma ang Ginoo sa tanan mo nga ginahimo, kag sia magatuytoy sa imo sa matarong nga dalanon. |
|
| 7 |
|
| Indi ka maghunahuna nga maalam ka na gid. Magtahod ka sa Ginoo kag indi maghimo sing malain. |
|
| 8 |
|
| Kon himuon mo ini, manginkaangay ini sang maayo nga bulong nga nagaayo sang imo mga pilas kag nagakuha sang mga kahapdi. |
|
| 9 |
|
| Pasidunggi ang Ginoo paagi sa pagdulot sa iya sang pinakamaayo sang imo tanan nga mga patubas. |
|
| 10 |
|
| Kon himuon mo ini, ang imo mga bodega magaawas sang patubas kag ang imo mga bino magasulobra nga wala na ikaw sing sulodlan. |
|
| 11 |
|
| Anak, indi pagpakalaina ang pagdisiplina sang Ginoo, ukon maglain ang imo buot sa iya pagsaway, |
|
| 12 |
|
| kay ang ginahigugma sang Ginoo ginasaway niya subong nga ang isa ka amay nagasaway sang iya anak nga iya ginapabugal. |
|
| 13 |
|
| Malipayon ang tawo nga nakaagom sing kaalam kag paghangop. |
|
| 14 |
|
| Kay ang kaalam mas maayo pa sang sa pilak, kag mas mapuslanon pa sang sa bulawan. |
|
| 15 |
|
| Ang kaalam mas malahalon pa sang sa mga alahas, kag ang tanan nga imo ginahandom indi makatupong sini. |
|
| 16 |
|
| Ang kaalam nagahatag sa imo sing malawig nga kabuhi, subong man sang manggad kag kadungganan. |
|
| 17 |
|
| Ang kaalam makahatag sa imo sing malipayon nga kabuhi kag makatuytoy sa dalanon sang kalinong. |
|
| 18 |
|
| Ang mga nakaagom sing kaalam malipayon, kag ang kaalam magahatag sa ila sing kabuhi. |
|
| 19 |
|
| Ang Ginoo nagtuga sang duta paagi sa iya kaalam, kag ginpahamtang niya ang langit paagi sa iya ihibalo. |
|
| 20 |
|
| Ang iya kaalam nagpailig sang mga suba, kag ang mga gal-om naghatag sing ulan sa duta. |
|
| 21 |
|
| Anak, tipigi ang imo kaalam kag paghangop. Indi pagtugoti nga madula ini sa imo. |
|
| 22 |
|
| Magahatag ini sing kabuhi sa imo, isa ka malipayon kag matahom nga kabuhi. |
|
| 23 |
|
| Magalakat ka sa imo dalanon nga indi maano kag indi madusmo. |
|
| 24 |
|
| Kon maghigda ka, wala ka sing kahadlukan kag mahamuok ang imo katulogon sa bug-os nga gab-i. |
|
| 25 |
|
| Indi ka dapat magkahadlok sang hinali nga mga kalaglagan, kaangay sang bagyo nga nagaabot sa mga malaut. |
|
| 26 |
|
| Ang Ginoo magatipig sa imo nga indi ka maano. Indi sia magtugot nga masiod ikaw. |
|
| 27 |
|
| Buligi ang buloligan suno sa imo masarangan. |
|
| 28 |
|
| Indi na pagpahulata ang imo kaingod tubtob buas kon mabuligan mo man lang sia karon. |
|
| 29 |
|
| Indi ka magpahito sang bisan ano nga makahalit sa imo kaingod, kay nagaestar sia sa tupad mo nga nagasalig sa imo. |
|
| 30 |
|
| Indi ka magpakigbais sa isa ka tawo sa wala sing kabangdanan, kon wala man lang sia sing nahimo nga malain sa imo. |
|
| 31 |
|
| Indi ka magkaibog sa ginahimo sang malaut nga tawo ukon magsunod sang iya pagginawi, |
|
| 32 |
|
| tungod kay ang Ginoo nagadumot sa mga tawo nga nagahimo sing malaut, pero nagasalig sia sa mga matarong. |
|
| 33 |
|
| Ginapakamalaut sang Ginoo ang mga panimalay sang mga malaut, pero ginabendisyunan niya ang mga panimalay sang mga matarong. |
|
| 34 |
|
| Ginakaugtan niya ang mga bugalon, pero maayo sia sa mga mapainuboson. |
|
| 35 |
|
| Ang mga maalam magaagom sing kadungganan, pero magadugang ang kahuloy-an sang mga buangbuang. |
|
|
|
|