|
| 1 |
|
| Mga anak, pamatii ninyo ang ginatudlo sang inyo amay. Magpamati kamo sing maayo, kag makaangkon kamo sing kaalam. |
|
| 2 |
|
| Ang akon ginatudlo sa inyo maayo, gani indi ini pagkalimti. |
|
| 3 |
|
| Bugtong ako nga anak sang akon mga ginikanan, kag sang diutay pa ako, |
|
| 4 |
|
| gintudloan ako sang akon amay. Siling niya, “Dumdoma ang akon ginasiling kag indi gid pagkalimti. Tumana ang ginasiling ko kag magakabuhi ka. |
|
| 5 |
|
| Mag-angkon ka sang kaalam kag paghangop! Indi pagkalimti ukon pagpabungolbungoli ang akon ginasiling. |
|
| 6 |
|
| Indi pagsikwaya ang kaalam kay magaapin sia sa imo. Higugmaa sia kay magabantay sia sa imo. |
|
| 7 |
|
| Ang labing importante sa tanan amo ang pag-angkon sang kaalam. Angkuna ang paghangop bisan nga ini magabili sang tanan mo nga mga pagkabutang. |
|
| 8 |
|
| Higugmaa ang kaalam, kay sia magabayaw sa imo. Haksa sia kag magahatag sia sa imo sing kadungganan. |
|
| 9 |
|
| Sia amo ang mahimayaon mo nga korona.” |
|
| 10 |
|
| Anak, magpamati ka sa akon. Batuna sa bug-os mo nga tagipusoon ang akon ginasiling sa imo kag magakabuhi ka sing malawig. |
|
| 11 |
|
| Gintudloan ko ikaw sang kaalam kag sang matarong nga pagkabuhi. |
|
| 12 |
|
| Wala sing magasablag sa imo dalanon kon maglakat ka sing maalamon, kag kon magdalagan ka indi ka madusmo. |
|
| 13 |
|
| Dumdoma sa gihapon ang imo natun-an. Ang imo tinun-an amo ang imo kabuhi, tipigi ini sing maayo. |
|
| 14 |
|
| Indi ka maglakat sa dalanon sang mga malaut kag indi pagsunda ang ila pagginawi. |
|
| 15 |
|
| Indi ka maghimo sini! Magpahilayo ka sa malaut! Sikwaya ini kag magpadayon ka sa imo maayo nga pagginawi. |
|
| 16 |
|
| Ang malaut nga mga tawo indi matulogan kon indi anay sila makahimo sing malain. Indi sila magtulog kon wala sila sing may mahalitan nga tawo. |
|
| 17 |
|
| Ang kalautan kag pagpamintas kaangay sang kalan-on kag ilimnon sa ila. |
|
| 18 |
|
| Ang dalanon sang matarong kaangay sang pagbutlak sang adlaw, nga nagasanag kag nagasanag tubtob nga adlaw na. |
|
| 19 |
|
| Pero ang dalanon sang malaut madulom subong sang kagab-ihon. Nagakadusmo sila, pero indi sila makakita kon ano ang ila nadusmoan. |
|
| 20 |
|
| Anak, talupangda ang akon ginasiling. Pamatii sing maayo ang akon ginahambal. |
|
| 21 |
|
| Indi ini pagkalimti. Panumdoma ini kag pakamahala sa imo tagipusoon. |
|
| 22 |
|
| Magahatag ini sing kabuhi kag kabakod sa mga nakahangop sini. |
|
| 23 |
|
| Mag-andam ka sang imo mga ginahunahuna, kay ang imo kabuhi ginadihon suno sa imo mga ginahunahuna. |
|
| 24 |
|
| Indi ka maghambal sang bisan ano nga indi matuod. Indi ka magpakigbahin sa mga binutig kag dinaya nga mga pulong. |
|
| 25 |
|
| Tan-awa ang imo palaabuton nga may pagsalig. Indi ka magduko sa kahuya. |
|
| 26 |
|
| Planoha sing mainandamon ang imo ginahimo, kag bisan ano ang imo ginahimo manginmatarong. |
|
| 27 |
|
| Likawi ang malaut kag magpadayon sa paglakat sing matadlong. Indi ka maglipas bisan isa lang ka tikang sa husto nga dalan. |
|
|
|
|