|
| 1 |
|
| Mwana waakwa, thikîîra nkwee kîrîra gîaakwa, kiinda gûtû wigue mataaro jaakwa. |
|
| 2 |
|
| Nîkenda ûûmba gûciûraga mantû bwega na mantû jarîa ûkwaria joonania ûrî muntû ûrî na kîrîra. |
|
| 3 |
|
| Nîkwîthîrwa mîromo ya mûka mûmaramari îrî mûrîo ta nainchû, na rwaria rwaawe rûteenderi ta maguta. |
|
| 4 |
|
| Îndî mûthieene aeejaga gîntû kîrî ng'ana ta nyongo, na agakara ta rûchiû rûrîa rûtemaga na nteere ijîîrî. |
|
| 5 |
|
| Athingataga njîra ya kaûrîro ageeta mwanka gîkuûne. |
|
| 6 |
|
| We aregaga kûthingata njîra ya mwoyo na atîmenyaga akîûra. |
|
| 7 |
|
| Tontû bûû, nandî, ataana baakwa, nthikîîreeni, na bûkaregana na ûrîa nkûbwîra. |
|
| 8 |
|
| Îtagîîreeni kûraaja na mûka mûmaramari, na bûgéetîîra akuî na mwari jwa nyomba yaawe. |
|
| 9 |
|
| Bûkárekeeria gîtîîo kîeenu kîaa kîa antû bangî, kana ûtûûro bweenu bûthûûkua nî antû batî kîaao. |
|
| 10 |
|
| Kana ageni bëeja kûjûkia ûtonga bweenu na birîa bûritîrîte ngûgî bijûkua nî antû ba kuuma kûngî. |
|
| 11 |
|
| Ningî bûtîkéeje kûrîra mûthieene jwa ûtûûro bweenu, rîrîa mîîrî yeenu îkeethîrwa îthiri inya na îkoorûrûka, |
|
| 12 |
|
| bûkiugaga atîrî, “Nîkî ûntû ndaaregere kwaathîka? Nîkî ûntû ndaaregaga kwigua ndakaanua mantû? |
|
| 13 |
|
| Ntaathikagîîra aritani baakwa, kana mbigua mooritani jarîa ndaritanagwa. |
|
| 14 |
|
| Naani ndî akuî kûthira buru, o ndî gatîgatî ga kîûthûrano.” |
|
| 15 |
|
| Eejaga mwîtîkua kîrî mwekûrû waaku, na ûmwendage wenka. |
|
| 16 |
|
| Ka ûbuîrîte kûnyagagia mbeeû yaaku gûntû kunthe, ûthiragîria inya yaaku njîreene? |
|
| 17 |
|
| Nî kaaba kwirerera mbeeû yaaku gwengwa antû a kûrererwa nî akîrîîndî. |
|
| 18 |
|
| Gwîragua nîûntû bwa mwekûrû waaku, o ta ûrîa wagwîragua nîwe bûrî babeethî. |
|
| 19 |
|
| Aarî ûmwega na ûmûthongi ta nkûrûngû. Ûthongi bwaawe bûrogûkuucagîîria magiita jonthe; wendo bwaawe bûrokûgwîragia rîonthe. |
|
| 20 |
|
| Mwana waakwa, nîmbi îgûtûma ûkuucua nî mûka mûtaratari? Nîmbi îgûtûma wîtîkîîria ûkuucua nî mûka wa muntû ûngî? |
|
| 21 |
|
| Nîkwîthîrwa MWATHANI nî oonaga ûrîa muntû akûthithia, na nî aijî mîîtîre yaawe yonthe. |
|
| 22 |
|
| Meeyia ja muntû ûmûthûûku nî mûtego kîrî we; na agwatagua nîju o akîthithagia meeyia. |
|
| 23 |
|
| Ateejagwa nî waa bwaawe agakua nîûntû bwa kûrega kwathîka. |
|
|
|
|