|
| 1 |
|
| Ako wire, mo nidége turo sa gi tatamana, mo niyé turo sa gi rugatinapai; |
|
| 2 |
|
| si du mo ka du na sia pa apai ti ni, ngbaro ki nika kuti inahe. |
|
| 3 |
|
| Bambiko fugo ku ngba kungba de nayuro wa nzeme anyege, fugori ki zerenge ki susi nzeme; |
|
| 4 |
|
| ono ti digida gari pai si du ni nirãnirã ha wa hihii ngua, ki du ni tĩtĩ he wa baso du na rindihe ue. |
|
| 5 |
|
| Nduri nandu ngba gene sa kpio; nduri napeka gene ku Baatoro kpikpi aboro yo; |
|
| 6 |
|
| ri aberã nga pa gene unga te; gari apai nata ata, ka ri aina nga ha ya. |
|
| 7 |
|
| Ako awire, ono awere oni nidége turoni kono du mi ni, ka oni nigúari nga pati sangbare ya. |
|
| 8 |
|
| Oni gbísi gaoni apai tuturũ ti ri ku sa yo, ka oni nimbédi nga ku pa ngbadimo gari bambu ya; |
|
| 9 |
|
| oni ka fu gaoni irisa fu kura aboro, na garãroni fu azangainapai; |
|
| 10 |
|
| auro ka dia gaoni ũkumuko, gaoni ũsunge ki du dimo ku auro yo; |
|
| 11 |
|
| ti digida ungaroni oni aúko auko, ho pasioroni na bororoni ka nyasa ni, |
|
| 12 |
|
| oni ayá, “Waĩ mi asogo rugapai, ngbadure yo ki nipayasi pa zapai! |
|
| 13 |
|
| Mi aye nga ture fu gimi abayugupai ki dege ture fu abarugure a te. |
|
| 14 |
|
| Mi adu mbembedi tipa gbarasa re dunduko, rogo gbuu dungurati.” |
|
| 15 |
|
| Mo mbíri ime kina rogo ga due ime, na gu ime nafu rogo ga guga. |
|
| 16 |
|
| Si rengbe gamo agugaabi gbandaka agbandaka tuturũ, ime ki fu wa wiriadi ku agene bakporo yo? |
|
| 17 |
|
| Si dú tipa kina ro ni sa ro, tipa kungba aboro na mo te. |
|
| 18 |
|
| Ga gugaabi dú na maku, mo ningí tipa de parangaro, |
|
| 19 |
|
| ri wa gu ngbiimo du ni wene ru ni bawene nara. Gari nyemuse ki rengbe foro wa rago agira; mo nikpí akpi be gari nyemuse na uru. |
|
| 20 |
|
| Ako wire, tipagine ka mo akpi nyemu kungba de ti ni, ki nidungo kungba boro kuti ngbaduro? |
|
| 21 |
|
| Bambiko ga boro apai dũ si kina ku bangiri Yekova, ko nakparia pa gani apai dunduko. |
|
| 22 |
|
| Ga gbegberẽ boro irairapai zi kina ni, ni ni zizi ni be giri gani ingapai. |
|
| 23 |
|
| Ni kpi be zingo ruga ni, ni ndu be gani bakere mungo ngbuongbuo. |
|
|
|
|