|
| 1 |
|
| Ei sawchapawpa y, ei biezy zyh la, Ei biepiepazy a vao thlâh ha mah y. |
|
| 2 |
|
| Ei biepiepazy zyhpa ta hroh la, Ei pachuna cha na mosawpa hawhta a vao mah y. |
|
| 3 |
|
| Na kuparozy liata a ky la, Na palôh lôphiapa liata roh mah y. |
|
| 4 |
|
| Sonô hnohta, “Ei sietanô na châ,” tah la, Pahnona hnohta, “Ei viasa phapa,” tah mah y. |
|
| 5 |
|
| Sona ta chanô sihryhpa tawhta cha vaih aw ta, Apheinô reikah pahniapa tawhta a cha vaih aw. |
|
| 6 |
|
| Ei o opy samokaw tawhta, Khôtho lâ sai na ta, |
|
| 7 |
|
| Hmo a pahno thai leipa satlia pakha tlai cha, Sona a phahlapazy hry liata hmô na ta, Thyutliapazy hry liata a hmia ei siah. |
|
| 8 |
|
| Chanô yna kiapâh khiliah liata a khie laih ta, A o lâpi a chhihpa ta, |
|
| 9 |
|
| Zâlâ azo hrahri ta, Zâ zohna ry liata chanô cha a pangai. |
|
| 10 |
|
| Moh teh u, âzuahnô hawhta a tobi ta, Achhuahna a hneipa chanô ta thlai a vaw dy. |
|
| 11 |
|
| Reih hluhpa nata lieluh pâpaw a zohpa châ ta, O liata a phei ngia a ryh leipa a châ. |
|
| 12 |
|
| Thiapawh khiliah liata y ta, Tahmâ sôdaohna su liata y heih ta, Su to liata a byh ta a hâ tyhpa a châ. |
|
| 13 |
|
| Satliapa cha thlai patupa ta sy ta, Hmia kai kawpa ta a hnohta, |
|
| 14 |
|
| “Aryhna hlâna atheihnazy ei hlâ awpa châ ta, Tanoh kha ei bietai ei patlô haw. |
|
| 15 |
|
| Chavâta nâma a tyh awpa ta vaw pua na ta, Cha tlua chaimâh na ta, Tahmâ ei cha hmô ha hih. |
|
| 16 |
|
| Ei hmohphaw chhao khuna pohzy ta khu ha na ta, Izi pala rih dipa poh chapaipa tlai ta ei khu haw. |
|
| 17 |
|
| Deiryh ropahâhpa ta ei rakhô roh pahâhsa na ta, Lilipaw nata lôiasoh ropahâhpazy ei hry haw. |
|
| 18 |
|
| A vy teh, azozâkhihdei kyhpachâna ti doh sih la, Kyhpachâna ta khiahlôh a patlâh tua ei si. |
|
| 19 |
|
| Ei vahpa lâhlapi lâ khitlyh ha ta, O liata y vei. |
|
| 20 |
|
| Tâkâ sykhao kha a phao ta, Thla pôlô hlâlei cha vaw tlô aw vei,” a tah. |
|
| 21 |
|
| A reikah thaina ta satliapa cha pahnie ta, A reih pahniana ta a sydie haw. |
|
| 22 |
|
| Viahchao tôhpa thiena su lâ a siepa hawhta, Ahrupa cha thlai ama patupa hawhta, Satliapa ta chanô cha thlai a pazi haw. |
|
| 23 |
|
| Pavaw ta khoheih liata thlai â chohpa hawhta, Châtai ta a pathi a papyu hlâlei cha, A hmotaopa chata a hrona a pahlei aw tahpa pahno vei. |
|
| 24 |
|
| Chavâta sawchapawzy saih u, Tahmâ na nathlie u la, Ei biereipazy he a phapa ta pachâ teh u. |
|
| 25 |
|
| Chanô hrozie lâ cha nama palôh a heih leipa sala, A lâpi lâ tlei khuh vy. |
|
| 26 |
|
| Chyhsa hluhpi hmah paphao ha ta, Zasâh manôh a thie ha ei. |
|
| 27 |
|
| A o cha Athihkhih lâpi châ ta, Thina chhôhpadâhpa lâ a zupa a châ. |
|
|
|
|