×

BIBELE 1951

Liproverbia 7

1
Ngwanaka! Boloka mantšu a ka; o dule o beile ditaelo tšaka ka pelong ya gago.
2
Boloka ditaelo tšaka, o tle o phele. Lota thuto yaka boka thaka ya leihlo lago.
3
O di tlemelele menwaneng ya gago; o di tloke mo pelong ya gago.
4
O re: Bohlale, o kgaetšedi ya ka! O re: Tlhaloganyo, o motswalo wešo!
5
O tle o efoge mosadi yola o šele e sego wago, wa dipolelo tša go thelela.
6
Nkile ka okama ka lešoba la ntlo yaka, ka nthoba ya lefao;
7
ka bona ditlatla; mo go masogana ka lemoga le lengwe la lešilo.
8
Le hlehla ka mekgoba, le rarela le tšea ka tsela ya go feta ka lapeng la mosadi yola.
9
E be e le ka lesothwana, mantšibua, lefsifsi la bošego ge le swara.
10
Mosadi yola šo! O a mo hlakanetša; aparo ke tša seotswa, pelo ke ya bomenetša.
11
Pelo ya gagwe e beloga ka kganyogo; ga a tsebe go iketla le go dula ka lapeng.
12
So mekgotheng! Soo kgorong! O hlola mo go fela dikhutlong.
13
Soee! O swere lsogana lela, o a le atla, o bolela a se ne dihlong, o re:
14
Ke be ke sa le wa go ntšha didimo; lehono gona ke phethile keno tšaka;
15
ka tšwa ke gahlanetša wena; ke lla bonana nago; bjale gomme ke go hweditše.
16
Malao aka ke a aletše mašela a mabotse, le kobo ya mebalabala ya leokodi la Egipita.
17
Marobalo aka ke foketše ka dihlare le ka diorelo.
18
Tlaa re yo thabišana ka lerato go be go se, re yo ipshina ka go ratana.
19
Monna waka ga a gae; o etile, o ile kgole.
20
O sepetše le sekhwama sa tšhelete; mo gae o tlo boa mohla kgwedi e tlala.
21
A mo goketša ka polelo tše di ntši, a ba a mo kgona ka leme la gagwe la boreledi.
22
Lesogana la mo šala nthago, boka pholo e išwe tlhabong, bjalo ka lešilo ge le tlemilwe go yo otlwa.
23
A yo hlabya pelo ka mosebe; a etša nonyana ge kganyelela sefung e sa tsebe ge e le go yo hwela gona.
24
Bjalo ge, lena bana ba ka! Kwang nna, le theetšeng dipolelo tša molomo wa ka.
25
O se dumelele pelo yago go fapogela ditseleng tša mosadi eo, o se tlo timela o latetše nao tšagwe.
26
Gobane ke bantši ba a ba hlabilego a ba uša; o bolaile le ba matla ba bantši.
27
Ngwako wa gagwe ke wa tsela di išago tahlegong, tša go fologela phapošing tša lehu.
Sotho Bible 1951
Bible Society of South Africa 1986
:
Boloka Lintlha