×

Adamawa 1994

Balndi 9

1
Debbo mawɗo bi'eteeɗo Hikma sehi daŋraŋge suudu mum joweeɗiɗi, nyiɓi ndu.
2
O hirsi dabbaaji maako, o jilli inaboojam maako, o waɗi nyaamduuji maako boo.
3
O neli horɓe maako ewnoyaago yimɓe haa nokkuuje wuro towɗe, ɓe mbi'a:
4
“koo moy sooyi anndal, o wara ɗo!” O ɗon wi'a humaki'en:
5
“Ngare, nyaame nyaamdu am, njare inaboojam ɗam njillumi ɗum.
6
Acce humakaaku, ngeeɗe, tokke laawol hakkiilo.”
7
Mo telɓani jancoowo, mbustu heɓan ɗum. Mo feli kalluɗo, kuudi laatanto ɗum.
8
Taa fel jancoowo, ngam taa o wanye. Fel hikmaajo, kaŋko o yiɗete.
9
To a wolwani hikmaajo, o ɓesdan hikma. To a anndini adiliijo, o ɓesdan anndal.
10
Kulol Jawmiraawo woni fuɗɗam hikma, anndugo Allah Ceniiɗo, kanjum woni hakkiilo.
11
To a heɓi hikma, balɗe ma ɗuuɗan, duuɓi ngeendam ma ɓesdoto.
12
To a hikmaajo, a hikmaajo ngam hoore ma. To a jancoowo, an feere ma roondoto ɗum.
13
Faataare woni debbo nanaro, mo walaa hakkiilo e semteende.
14
O ɗon jooɗi haa dammugal suudu maako, dow koromwal haa nokkuuje wuro towɗe.
15
O ɗon wi'a saalotooɓe, tokkiiɓe laawol muuɗum'en:
16
“koo moy sooyi anndal, o wara haa ɗo!” O ɗon wi'a humakiijo boo:
17
“Ndiyam ngujjaaɗam weli, nyaamdu nyaamaandu bee sirri weli masin.”
18
Jaɓɗo ewnaandu maako anndaa ruuhuuji maayɓe ɗon ton. Koo moy nasti suudu maako, nasti joonde maayɓe.
Fulfulde Bible Adamawa 1994
DEFTERE ALLAH Alliance Biblique du Cameroun, 1994
:
Hisnu Teskorɗe