×

EBIBILIA ENCHENU 2020

EMERENG’ANIO 9

1
Obong’aini nigo bweagacherete enyomba. Nigo bwebaacherete chisiiro isano na ibere.
2
Bwanyenyire ching’iti chiaye; bwochoganirie edivai yaye, bwariganirie emesa yaye.
3
Bwatomire abasomba baye abaiseke gochia aase aimokererete igoro mono a omochie korangeria abanto, bogoteba:
4
“Oyo otamanyeti amange, tiga ache aa!” Na ase oyore omoriri bwateba:
5
“Inchuo orie endagera yane, na onywe edivai nochoganirie!
6
Tiga oboriri bwao, erinde obe moyo! Obwatie enchera y’okonyora okomanya!”
7
Omonto ogokurera omonyacheche, nigo akwenyorera obororo; na oyogotogonyera omonto omokori amabe nigo akwenyorera ogochaywa.
8
Tobaisa gokurera omonto omochayi; oyio nigo arakogeche. Kurera omonto omong’aini, oyio nigo aragwanche.
9
Orokereria omonto omong’aini, oyio nigo aragenderere koba omong’aini goetania. Orokereria omonto omoronge, oyio namente koba ne chisemi.
10
Okomoiroka Omonene, oyio noro omochakano bw’obong’aini, na okomomanya Oyore Omochenu nabwo obomanyi.
11
Ase ogokonywa kwane amatuko ao nabe amange, na emiaka y’obogima bwao nementwe.
12
Korabe nobong’aini, borobwo mbogokonye; korende korabe omochayi, obochayi obwo mbokoiranere.
13
Omokungu omoriri nigo are omonyariogi. Ere nigo are bosa, na tamanyeti ring’ana rinde.
14
Nigo agoikaransera ekerogo ase egesieri ki’enyomba yaye, agwo aase aimokererete igoro ase omochie,
15
aba okorangeria abaeti bare ase orogendo rwabo,
16
oteba, “Onde bwensi otamanyeti amange, tiga ache aa!” Na ase oyore omoriri oteba,
17
“Amache aibire nigo are amansu, na omogati okorierwa aase a bobisi nigo okogokia.”
18
Korende oyio ogosoa aroro tamanyeti ng’a amakweri nareo, naende ng’a abageni b’omokungu oyio nigo bare agwo aase abakure.
Gussi Bible 2020
OLD EKEGUSII BIBLE PROTESTANT EDITION Bible Society of Kenya, 2020
:
Save Notes