|
| 1 |
|
| Kẹ nzinzin nwụnnị dọn e shin-wiwi ezigbo-udẹn ẹrịra kẹ ẹkẹrẹ nzuzu dọn e kpumẹ amamihiẹn lẹ ọghọ wẹ gi marịn ịhịan. |
|
| 2 |
|
| Obi onyẹ nwọn uche e shi ẹka-nni ẹka-nni, obi onyẹ nzuzu e shi ẹka-ekpẹn ẹka-ekpẹn. |
|
| 3 |
|
| Kẹ ebe onyẹ nzuzu ghakọdẹ ọkpụzọ, onyẹ-nzuzu enwọn uche — ọ ghọsịsọnmẹ ịhịan ile k'o zuzuhan. |
|
| 4 |
|
| Omẹni onyẹ rị a kịnị rị e buni i olulu, alatọlẹ ọrụn ị, ịgba-nkịtịn e dọnzidẹ mmẹfie bu ọda jọgbu enwẹn ẹ. |
|
| 5 |
|
| O nwọn eje-ihiẹn ohu m hụn elu-ụwanị rị okpuru ẹnyanwụn, ihiẹn ndị isi e mẹ ọsụọn'a nị a kpachanpụnị wẹ ẹnya mẹ ẹ: |
|
| 6 |
|
| w'e buchesọnmẹ ndị marịnlẹni ihiẹn ọkwa kanị, e buche ndị wụ ndị ibe alị. |
|
| 7 |
|
| A hụnghọ m kẹ igbọn gi ẹshin e jẹn, ụmụ nze e gi ụkụ jẹnkọ kẹ igbọn. |
|
| 8 |
|
| Onyẹ gu olu a danban imẹ ẹ; agwọ a ta onyẹ tikpọ ụgba. |
|
| 9 |
|
| Ọmụma a rụ onyẹ rị e be ọmụma ẹhụ; osisi a rụ onyẹ rị a wa osisi ẹhụ. |
|
| 10 |
|
| Anyụn shigụ, nị esụọnni wẹ ẹ, akwanran k'ọ chọ nwan; amamihiẹn a banka erere — o mẹ ihiẹn a gha. |
|
| 11 |
|
| Omẹni ọ kẹrẹgụọ agwọ ta ịhịan wẹ kebe rẹrẹma a — onyẹ rẹrẹn'a enwọnkọ erere. |
|
| 12 |
|
| Oku-ọnụ onyẹ nwọn uche e mẹ ẹ ọhụnma, kanị ọnụ onyẹ-nzuzu e gbu ẹ. |
|
| 13 |
|
| Oku nzuzu k'o gi e bidọn, eje-oku onyẹ-ẹra k'o gi e bi ẹ — |
|
| 14 |
|
| onyẹ nzuzu e kuzikwọ ọtụtụ-oku. Onwọnni onyẹ marịn ihiẹn lalanị — onyẹ k'a s'ẹka gwa a ihiẹn jẹnkọ d'e mẹni ọ nwụnhụngụ? |
|
| 15 |
|
| Onyẹ nzuzu a rụn ọrụn, ẹhụ a gbọrọ a, ọ marịndẹ ebe w'a gha e shi imẹ obodo. |
|
| 16 |
|
| Nsọngbu rịkwọn'ị, alị hụn ogbori wụ eze ẹ, hụn eze ẹ te wụ igbọn nwọnlẹni ọzụnzụn, hụn ndị-isi ẹ e ri oriri ogẹn ụtụntụn. |
|
| 17 |
|
| Y'e nwọnkẹ ngọzi, alị hụn eze ẹ wụ nwa eze, hụn ndị-isi rịn'a e ri, a ra, ogẹn furuni — kẹni ndụn ban wẹ, ẹlẹ n'ọ tụ wẹ. |
|
| 18 |
|
| Okẹnnyẹ la nzụnzụn elu-ụnọ a e ziẹntumẹ, ọ kụtọpụ ẹka, okpukpu ẹ e himẹ mirin. |
|
| 19 |
|
| W'e ri oriri nị ẹmụ sụọ ịhịan, a ra manya nị ẹfọ sụọ ịhịan ụsụọ, kanị egho a zachanrịn oku ile. |
|
| 20 |
|
| Ekujakwọlẹ oku eze, ọsụọkwọn'a imẹ obi i, mọbụ nọ mmughẹ i kuja oku okẹn-ịhịan, makẹni nnụnụ nwọn ikẹn buru ihiẹn i ku, nnụnụ fekọnị nwọn ikẹn gwa wẹ ihiẹn i ku. |
|
|
|
|