na muan na suan a thahat na khut, na baan, na khete, a thaneem hun, an hai nadingin na hatang tawmlua ta-in na mit maangin, limtakin khua na muh theih nawn loh hun,
khuasung gamlumnate na bil in za thei nawn loin, ansukna gingte na zak theih phat nawn loh hun, la kisate za thei nawn loin vasa ham nangawn in hong phawnzawh nawn loh hun,
keen sangte-ah pai ngam nawn loin, lam pai ding a haksat hun, na samte hong kangin, na khangno thahatna beita-in na tha a kiam hun ding ahi hi. Eite in a tawntung inn ding a zuan ding ihi a, khuasung lampi-ah kahna awging kiza ding hi.
Mipilte’ thugente pen tuucingte in tuu hawlna-in a zat ciangkhut hiam tawh kibang hi. Tua thute pen eite khempeuh tuucin bangin a hong Cing Pasian’ piak ahi hi.