Iya udah ngeletak maya ti ngena ke semua utai. Iya udah meri kitai ati ti keran deka nemu utai ti deka nyadi jemah ila, tang Iya nadai kala ngasuh kitai puas ati nemu utai ti dikereja Iya.
Aku nemu, semua utai ti dikereja Allah Taala deka meruan belama iya. Nuan enda ulih nambah tauka ngurangka utai nya. Lalu siti utai ti dikereja Allah Taala nya ngasuh kitai nangika Iya.
Ku aku berunding dalam ati diri, “Allah Taala deka ngakim orang ke lurus enggau orang ke jai, laban semua utai, semua pengawa, deka nyadi magang ba maya ti endang udah diletak Allah Taala ke siti-siti utai.”
laban pengujung kitai mensia enggau pengujung jelu, endang sebaka. Siku mati baka siku. Sida endang sebaka magang. Mensia nadai lebih agi ari jelu, laban pengidup bela nadai reti ba sida.
Nya alai, aku nemu, utai ti pemadu manah ti patut dikereja kitai nya, kitai patut ngelantangka diri ngena utai ti udah ulih kitai. Nadai utai bukai ulih dikereja kitai. Kitai enda nemu utai ti deka nyadi ila, lebuh kitai udah mati.