Ko amangi ahe dunduko ni bawenehe ti ragoho. Ko ki moi nyenye apai a ku berã boro yo, ono ka boro aréngba nga na ina gu mangaapai Mbori amangi ti tonatona rago dati digida ha ya.
Mi ini he ya agu apai dunduko Mbori namanga ha si anyé anye kindi; ka i gbia nga he kuti ni te, ka i di nga he ti ni a te; Mbori namangi he wo, ya aboro nigunde bara bangiriko.
Mi ki ya ku kpotore yo, Mbori asára ngbanga ruru aboro na gbegberẽ aboro, bambiko ko ringbisi rago tipa apai ni ba sa sa dunauko na tipa mangaapai a ni ba sa sa.
Bambiko gu pai namanga awiri aboro si namanga anya a; wa aboro nakpi, kina wo anya nakpi a. Onga ti yo na gaami kina sa, pa boro asusa nga ga anya te; bambiko si dunduko nga kina kungba pai.
Si du mi aini he ti ni ya a nga he ho ngba susi ti gu nga boro ka ngi rogo gani sunge te, bambiko gure nga gani he; bambiko da rengbe ka ye na ni ni bi gu pai nikadu ti ngba fuo ni no?