Kuom mano, ka isingori ni ibiro chiwo ni Nyasaye gimoro, to tim kamano piyo, nikech Nyasaye ok mor gi ng’at mofuwo. Adier, tim gima isingori ni ibiro timo.
Kik iwe wecheni iwuon teri e richo, nono to idhi e nyim jadolo mar Nyasaye, kiywagori ni iseketho, nikech kitimo kamano to imiyo Nyasaye kecho kodi, kendo obiro ketho gik ma luchi osemiyi.
Ka ineno ka piny moro sando joge modhier, ka timonigi marach, kendo tuonogi gik monego giyudi, to kik ibuogi, nimar jatelo ka jatelo nigi ng’at moloye gi duong’, kendo giduto bende gin gi joma dongonigi.
Kuom mano, asefwenyo ni gima ber ma dhano nyalo timo en mana chiemo gi metho kod chamo mwandu moseyudo kuom kinde matin ma Nyasaye omiye mondo odaggo e piny ka. Mano e gima Nyasaye oseketo ni dhano.
Ka Nyasaye oguedho ng’ato gi mwandu, kendo omiye dak maber, ma oweyone kinde mondo ocham gigo, to onego obed mamor ka ochamogi. Mano bende en gima Nyasaye ema ochiwo.