Naawuni Kundi Kasi 2011
|
| 1 |
| N nya yɛl’ biɛ’ shɛli dunia ŋɔ ni, ka di nyɛ din ʒi daadamnim’ zuɣu. |
| 2 |
| Naawuni mi n-ti ninvuɣ’ shɛb azichi mini nɛma ni jilima, ka bɛ ni bɔri shɛlikam zaa shɛli bi poori ba, amaa ka o bi chɛ ka bɛ tooi diri di nyaɣisim, ka naɣ’ chɛ ka ninvuɣ’ zino n-diri di nyaɣisim maa. Dimbɔŋɔ ka buchi, ka nyɛ zaɣ’ biɛɣu pam. |
| 3 |
| Nir’ ni tooi dɔɣi bihi kɔbiga, ka beni n-yuui pam, hal o yi yuui ti yaɣi gba, amaa ka bi di dunia ŋɔ binyara nyaɣisim, ka ti bi nya sɔɣiri viɛlli, dindina man’ ni yɛli shɛm nyɛla, “Zaŋbahi so o.” |
| 4 |
| Bɛ ni zaŋ so bahi maa so, dama zibisim ni ka o ŋmaligi labi, ka so ʒi o yɛla. |
| 5 |
| Hal o nini ni bi nya wuntaŋa, ka o mi ʒi shɛli maa, o so ŋun pun beni maa. |
| 6 |
| Hal ŋun pun beni maa yi yuui m-paai yuun’ tusaayi gba, amaa ka bi di binshɛli nyaɣisim, pa luɣ’ yini ka bɛ zaa kuna? |
| 7 |
| Daadamnim’ zaa tumdila bɛ tuma zaa dibu zuɣu, amaa bɛ na ʒi n-di n-tiɣi. |
| 8 |
| Bɔ ka yɛnnim’ lee zaŋ so jɛra? Ka nyɔ’ bɔ ka tarimba lee nya bɛ ni niŋdi shɛm ni bɛ gbib’ bɛmaŋa niriba ni? |
| 9 |
| Nir’ yi chɛ ka o nini tiɣ’ o ni mali shɛli, di so ni o mali kɔre biɛri. Dimbɔŋɔ gba nyɛla din ka buchi, di ŋmanila nir’ ŋun zɔri doli pɔhim. |
| 10 |
| Binshɛɣukam din beni nyɛla bɛ ni pun zali shɛli, ka ninsalinim’ biɛhigu ni nyɛ shɛm bi sɔɣi. Ka bɛ mi ku tooi ŋme ŋun gari ba kpiɔŋ naŋgbankpeeni. |
| 11 |
| Yɛtɔɣ’ gbaliŋ puuni ka yɛtɔɣ’ shɛŋa din ka buchi be; ka di mi ka buchi so sani. |
| 12 |
| Ŋuni n-lee ni tooi baŋ din ni sɔŋ daadamnim’ bɛ dunia ŋɔ yili biɛhigu din bi yuura, ka ka buchi ŋɔ puuni? Bɛ nyɛviya chanimi gariti kaman shilinshia la. Dama ŋuni n-lee ni tooi yɛli ba din yɛn niŋ dunia ŋɔ ni bɛ kalinsi nyaaŋa? |
| Save Notes |
https://beblia.bible:81/BibleAudio/dagbani/ecclesiastes/006.mp3
12
6