Ika Bible 2018
|
| 1 |
| O nwọnghọzị eje-ihiẹn m hụn elu-ụwanị rị okpuru ẹnyanwụn, hụn e mẹ ịhịan ibu ọda-ọda: |
| 2 |
| Ebe Chuku nọ ye ịhịan egho lẹ ẹfe lẹ ọghọ, nke wụnị onwọnni ihiẹn ọ chọ hụn a kọn'a, kanị Chuku anịn'a ri ẹ — onyẹ ọzọ e ri ẹ. Ọnwan wụ ihiẹn ọlaliwi, ihiẹn jọgbu enwẹn ẹ. |
| 3 |
| Ịhịan nwọn ikẹn mụ ụmụ ọgụn-isẹn, tọ ọda-ọda — kanị, k'ọ tọlẹ, omẹni ọ sanị ẹka ri ihiẹn o nwọn, ọ nwụnhụn elini w'ẹ ọhụnma, m sị ị nị nwa nwụntọ ẹfọ ka a mma. |
| 4 |
| Nwa nwụntọ ẹfọ bịa ọbịbịa nwọnlẹni isi, nọ imẹ ishi la, ishi anịnị wẹ marịn ẹfan a. |
| 5 |
| Ọ hụntuni ẹnyanwụn, onwọnni ihiẹn ọ marịn — bụ ịya ka ikẹn e zu karị okẹnnyẹ hụ — |
| 6 |
| ọsụọn'a nị okẹnnyẹ hụ bi ahụa nnụ-uku ụzọ ẹbụọ bụ o rini ihiẹn ẹ. Ẹlẹ ebe ohu kẹ wẹ ile jẹnkọ? |
| 7 |
| Ịhịan a rụn ihiẹn ile ọ rụn kẹni ọ hụn ri, bụ ẹfọ ara gi ẹ jun ịhịan. |
| 8 |
| Kị onyẹ marịn ihiẹn gi ka onyẹ-nzuzu? Elee erere kẹ ogbẹnnyẹ nwọn nị ọ magụọ bi elu imẹ ụwanị? |
| 9 |
| Hụn ẹnya ị rị e legha ka mma karị hụn rịhụ a gụngbun'i. Ọnwan wụzịkwọ ihiẹn ọlaliwi lẹ ịchụ ufere. |
| 10 |
| Ihiẹn ọwụlẹ rịnị, a kpọgụọlẹ w'a ẹfan; ihiẹn ịhịan wụ, a marịngụọlẹ w'a. Ịhịan ara sọn onyẹ kan'a dọ. |
| 11 |
| Ọtụtụ oku gha a waye, oku ara nwọnkẹzi ishi; Onyẹ k'ọ bannị nwan erere? |
| 12 |
| Ẹghẹẹ, onyẹ marịn ihiẹn rị ịhịan mma eluni, ẹkẹrẹ ogẹn nwọnlẹni isi ọ rị a ghafe nọkẹ onyinyọn mmaka? Ọ lagụ, onyẹ k'a saẹka gwa a ihiẹn jẹnkọ d'e mẹ elu-ụwanị rị okpuru ẹnyanwụn? |
| Save Notes |
https://beblia.bible:81/BibleAudio/ika/ecclesiastes/006.mp3
12
6