Maayo pa ang pagkadto sa balay sang paglalaw sang sa pagkadto sa balay sang piesta; kay amo ina ang katapusan sang tanan nga tawo, kag ang buhi magatipig sini sa iya tagiposoon.
Dili ka magsiling, “Ano bala ang kabangdanan nga ang nahaunang mga adlaw maayo pa sini sa sila?” Kay wala ka nagapamangkot sing maalam nahanungud sini.
Sa adlaw sang kauswagan magmalipayon, kag sa adlaw sang kapiotan magpamalandong; ang Dios naghimo sang isa sa luyo sang isa, sa katuyoan nga ang tawo indi makasapo sang bisan anong butang sa olihi niya.
Ini tanan nakita ko sa akon mga adlaw sang kadayawan; may matarung nga tawo nga nagakawala sa iya pagkamatarung, kag may malaut nga tawo nga nagalawig ang iya kabuhi sa iya malaut nga hinimoan.
Nagliso ako sing bug-os kag ang akon tagiposoon natuhoy sa pagkilala kag sa pag-usisa kag sa pagpangita sing kaalam kag katarungan sang mga butang, kag sa pagkilala nga ang pagkamalaut amo ang kabuangan kag ang pagkabuangbuang kabuangan.
Kag nakita ko nga mapait pa sa kamatayon ang babayi nga ang iya tagiposoon mga siod kag mga pukot, kag ang iya mga kamut mga gapus; ang nagapahamuut sa Dios makapalagyo sa iya, apang ang makasasala madakup niya.
nga ginapangita pa sang akon kalag, apang wala ko makita. Ang isa ka lalaki sa tunga sang isa ka libo nakita ko, apang ang isa ka babayi sa tunga nila tanan wala ko makita.