Mo gbé re fuo ro, ani ípisi tirani. Bakindo ye na mi ku tii gako bambu yo. Ani adú pusiapusia ki ningi angi rogo ro yo; ani atámbua pa ga nyemuse gbe susi pa imekakue; si ru i kpi nyemu ro.
Ka oni ngére nga kono du mi ni bambiko kpotore gbagbagba ya, bambiko uru zamasi kpotore. Awirinina nga akumba azingi kuti re, i asa re ni babanda aati bakakue; ono kina gimi ati bakakue mi abanda nga ya!
Ako mo mbisimore nakpi nyemu ro, mo gúmba ha fere, wari mo nariga gamo rimbasa akandoro ni? wari mo napiga ra ni ri bebere uru? bambiko tipagine ka mi du ti ni wa boro nangbuo angbuo fuo ga kuaro rimbasa akandoro?
Ako mo du tamaro ni wene he susi dagba ade, ka mo aina nga ha ya, mo péke fuo ndu rimbasa akandoro, ki rigi gamo awiri akandoro pati ga ababanda akandoro abamburoko.