Toy ny hazo paoma iray eo anivon’ny hazo any an’ala, dia toy izany ny malalako eo amin’ny zanakalahy. Mahafinaritra ahy indrindra ny mipetraka eo ambanin’ny alokalony, sady mamy ao am-bavako ny voankazony.
Mampianiana anareo aho ry zanakavavin’i Jerosalema, amin’ny gazela na amin’ny dieravavy any an-tsaha: Aza manaitra na mamoha ny fitiavana raha tsy efa sitrapony.
Ny malalako dia tahaka ny gazela na ny diera tanora; indro, mijanona ao alatranonay izy, mitsidika eo am-baravarankely, manarangarana eo amin’ny makarakara.
Ry voromailalako ao an-tsefatsefaky ny harambato, dia ao amin’ny fialokalofana amin’ny fiakarana mideza, aoka hahita ny endrikao sy handre ny feonao aho, fa mamy ny feonao, ary mampaharavoravo ny endrikao.
Mandra-pangatsiatsiaka ny andro, amin’ny milenti-masoandro, mitodiha, ry ilay malalako, ary aoka ho tahaka ny gazela na ny diera tanora eny an-tendrombohitra be hantsana ianao.