|
| 1 |
|
| “Taani Saaroona giyo sohuwan mokkiya ciishshaanne wombban mokkiya lo77o ciishshaa mala” yaagaasu. |
|
| 2 |
|
| “Ee ta siiqiyaa maccaasaa giddon xeelliyo wode, agunttaa giddon beettiya lo77o ciishshaa milatausu” yaagiis. |
|
| 3 |
|
| “Ta siiqoi hara wodallatu giddon xeelliyo wode, woran de7iya appiliyaa giyo mittaa milatees; tana keehi ufaissin, a kuwaa giddon uttaas; a aifee min, tana keehi mal77ees. |
|
| 4 |
|
| I tana kattaa miyo aaho wuigiyaa gelissiis; ba siiquwaa banddiraadan ta bolli xoqqu xoqqu oottiis. |
|
| 5 |
|
| Taani a siiquwan ohettada harggido gishshau, zabiibiyaa aifiyaa tana mizidi gasttissite; appiliyaa tana mizidi, ta wolqqaa kunttite. |
|
| 6 |
|
| Ba haddirssa kushiyaa tana borkkotissiis; ba ushachcha kushiyan tana qoommiis. |
|
| 7 |
|
| Inttenoo Yerusalaame yelaga maccaasau, siiqoi bau dosidi denddana gakkanaashin, a intte beegottenna mala, taani inttena genessatuuninne bazzo wushatun callais. |
|
| 8 |
|
| “Siyite, hegee ta siiquwaa cenggurssaa! Be7ite deriyaara piriiddi, keratu bollaara xonggettiiddi gakkiis! |
|
| 9 |
|
| Ta siiqoi wushaa mala; woikko genessa maraa milatees. Be7ite, i nu keettaa dirssaa matan eqqiis; eqqidi maskkootiyaara soo xeellees; magalashuwaa garssaarakka luuxxidi xeellees. |
|
| 10 |
|
| Ta siiqoi tana hagaadan yaagees; 'Ta siiqee, dendda! Ta malanchchee, haaya! Issippe ane boos. |
|
| 11 |
|
| Be7a, balggoi aadhdhiis; iraikka eqqiis. |
|
| 12 |
|
| Biittan ciishshai ciyyiis; yettaa yexxiyo aginaikka gakkiis; haraphphiyaa yettai nu biittan siyettees. |
|
| 13 |
|
| Balasee aifiyaa doommiis; woinee ciyyiis; a ciishshaa sawoi biittan tonggu gees. Hegaa gishshau, ta siiqee, dendda; ta malanchchee, haaya; ane issippe boos' yaagees” yaagaasu. |
|
| 14 |
|
| “Neeni aafuwaa doona zaallaa za7an qosettida haraphphee mala; ane issitoo tana ne som77uwaa bessa; ne cenggurssaakka sissa. Aissi giikko, ne cenggurssai tana qarettees; ne som77oikka daro lo77ees” yaagiis. |
|
| 15 |
|
| “Nu woinee ciyyiis; hegaa gishshau, nu woiniyaa gidduwaa bashshiya worakanata, he qeeri worakanata piriyaa wottidi oiqqite” yaagidosona. |
|
| 16 |
|
| “Ta siiqoi taagaa; taanikka aaro; ciishshaa giddon i ba wudiyaa heemmees. |
|
| 17 |
|
| Qamma xumai qaarettanaashin, maallado carkkoi carkkanaashin, ta siiquwau, genessaadan woikko yelaga wushaadan, aafotiya deriyaara woxxaidda haa simma” yaagaasu. |
|
|
|
|