BIBULIYA ENTUKUVU
|
| 1 |
| Ekiro kyonna mu kitanda kyange; nanoonya oyo omutima gwange gwe gwagala, namunoonya naye samuzuula. |
| 2 |
| Nzija kusituka neetooloole ekibuga mu nguudo ne mu mbuga zaakyo; nzija kunoonya oyo omutima gwange gwe gwagala. Namunoonya naye samuzuula |
| 3 |
| Abakuumi bansanga nga balawuna mu kibuga. “Mwandabidde ku oyo omutima gwange gwe gwagala?” |
| 4 |
| Nali naakabayisa nti: ne nzuula omutima gwange gwe gwagala. Namunyweza, saamuta kugenda, okutuusa lwe namuyingiza mu nnyumba ya nnyabo, mu maka g'oyo eyanfuna mu lubuto. |
| 5 |
| Bawala ba Yeruzaalemu, mbalayiza n'ennangaazi n'obusirabo obw'ettale: temutaataaganya yadde okuzuukusa omwagalwa, okutuusa w'anaayagalira. |
| 6 |
| Kiki ekyo eri mu ddungu ekyambuka, kiri ng'empagi y'omukka, ekubiddwa akawoowo ka mirra n'obubaani, n'effufugge ly'abatunzi erya buli kika kya kaloosa? |
| 7 |
| Entebe ya Solomoni yiiyo; ewerekerwako abasajja abatabaazi nkaaga, okuva mu bazira ba Yisirayeli. |
| 8 |
| Bonna bambadde ebitala; bonna bakugu mu kutabaala, buli omu n'ekitala ku lukugunyu beetegekedde ebyekango by'ekiro. |
| 9 |
| Kabaka Solomoni yeekolera akadyeri, yakakola mu miti gy'e Lebanoni. |
| 10 |
| Empagi zaako yakola za ffeeza, manvuuli yaako ya zaabu, entebe yaako ya biwempe bya kakobe; munda mwaliriddwa bawala ba Yeruzaalemu n'omutima ogwagala. |
| 11 |
| Mufulume bawala ba Siyoni, mulabe kabaka Solomoni ayambadde engule, eyo nnyina gye yamutikkira ku lunaku lw'embaga ye, ku lunaku lw'essanyu ly'omutima gwe. |
| Save Notes |
https://beblia.bible:81/BibleAudio/lugandabibu1/songofsolomon/003.mp3
8
3