NTETO INJEGA CIA 2018
|
| 1 |
| Ûtukû nî mamaga ûrûrî bwaakwa, nkaroota na mûnyaanya waakwa ûrîa mpendeete. Mûcwaga kunthe îndî ntîmwonaga; ndamwîta atîmbîtîkaga. |
| 2 |
| Naani nî mbûkagîîra ngeetania na ntûûra, na tûjîra tunthe, ngîcwaga mûnyaanya waakwa. Mûcwaga na ntîmwonaga. |
| 3 |
| Akaria ba ntûûra nî baambonere bakarîtie ntûûra. Naani ndîrabooria atîrî, “Bûkwona mûnyaanya waakwa?” |
| 4 |
| Ndîkûbatiga, ntaakarakarîre ntîroona mûnyaanya waakwa, ndîramûkumbatîria, ntîmûrekeerie antiga kaîrî, mwanka ndîramwikia nyomba ya maama, ndîramûkûrûkia kanyomba karîa ndaaciarîrwe. |
| 5 |
| Ndabwerenca, buî aarî ba Jerusalemu, nciîtîrieni bûmbîre riîtweene rîa kathia na rîa nkûrûngû atî bûtîûkaûkia kana buumbuthûra wendo bûtîrakinyia rîrîa rîagîrîte. |
| 6 |
| Nîmbi îîrîa yumîte bwa rwanda, îkari ta gîtugî kîa toogi, îkîeeraga ta ubaani kana manemane, irîa cieendagua nî abiashara? |
| 7 |
| Tegeeni! Nî Solomoni ûkamati akarîrîte gîtî kîaawe kîa ûnene. Athiûrûkîri nî asikarî mîrongo îtaantatû barîa bamûkaragia. Nabo nî asikarî barîa nchamba cia ndwaa ndeene ya Israeli. |
| 8 |
| Bonthe nî boogeete nchiû tuuna, na nî nchamba cia ndwaa. Bakarîtie mûnene ûtukû atîkoone ûgwati. |
| 9 |
| Mûnene Solomoni nî akamatagwa arî gîtîîne kîa ûnene kîthithîtue na mbaaû injega cia kuuma Lebanoni. |
| 10 |
| Magûrû ja gîtî kîu jeereretue na fetha bwa nyuma ya gîtî kîereereetue na thaabu. Arîa gwakaragîrwa gwakunîki na gîtambaa kîa rangi ya mûkû, nakîo gîatumi bûbwega nî aka ba Jerusalemu. |
| 11 |
| Buî aarî ba Zaiûni umagareni bûcionere mûnene Solomoni, ekîrîte thirû îrîa ng'ina aamwîkîîre, ntukû îrîa aagûranaga. Ntukû îîu Solomoni nî aagwîrîîtue mono. |
| Save Notes |
https://beblia.bible:81/BibleAudio/songe/songofsolomon/003.mp3
8
3