Ika Bible 2018
|
| 1 |
| Okpoho manahịn ikpoho ile mma, elebe kẹ Obi-i shi? Elee azụụn k'o dọn ihun, nị ẹnyi hụn ụzọ sọn i chọ a? |
| 2 |
| Nke-m e shigụọ ugbo-obobo ẹ, ebẹhụ ihiẹn-akụnkụn e kun fuẹin jun, d'a ghahunmẹ imẹ ugbo hụ, lẹ n'ọ kparị obobo lili. |
| 3 |
| Nke-m nwọn m, mmẹ nwẹn nwẹzikwọ Nke-m, ọ ghahunmẹ ebẹhụ wẹ kụnjun lili. |
| 4 |
| Obi-m, ị ma mma kẹ obodo Tẹza, ị rị mma kẹ obodo Jerusalẹm, i nwọn ikpẹn kẹ itu ndị-agha busọnmẹ ẹkwa-ahịma wẹ. |
| 5 |
| Dodo lebehi m — nị ẹnya ị ara nị m marịnzị ihiẹn m rị e mẹ. Ntutu i rị kẹ igunrun ewu gha ugu Gilẹdị kpọtula. |
| 6 |
| Eze rị ị ọnụ hụ e nwun kẹ igunrun atụnrụn hụn gha ebe wẹ nọ wụ wẹ ẹhụ lala; eze-elu i ile lẹ eze-alị ị ile zu oke — onwọnni hụn ya lẹ ibe ẹ wịlẹni. |
| 7 |
| Nti i ẹbụbụọ rị a chan pọị kẹ imẹ gova-pomegraneti wẹ wabe — imẹ ẹkwa hụ i gi kpumẹ ihun. |
| 8 |
| Inyẹnmẹ eze nwọn ikẹn rị ọgụn-ẹtọ, ndị mgba nwọn ikẹn rị ọgụn-ẹnọ, ịgbagba nwọnzikwọ ikẹn karị hụn w'a gụn; |
| 9 |
| kanị nduru m rị ichẹn, Nke-m hụn zu oke; akpụ okpoho ohu nnẹ ẹ mụ k'ọ wụ; ịbọọ onyẹ hụn mụn'a. Ịgbagba a hụn a, wẹ nọ kpọ a onyẹ Chuku gọzi — inyẹnmẹ eze lẹ ndị mgba eze a jazịghọ a mma. |
| 10 |
| Onyẹ wụ hụnnị pụlanị lekẹ eki rị e fọnni, e ti kẹ ifọn, e nwun kẹ ẹnyanwụn — nwọn ikpẹn kẹ kokisẹ dọnkọ ogele? |
| 11 |
| M jẹn odoro osisi wọnọtụ d'e lee ihiẹn-akụnkụn ndị rị e sue nke ọhụn imẹ ọdanmgbugbu, kẹni m hụn kẹ vaịnị a fọmagụọ ẹhụhụọ kẹ gova-pomegraneti e mẹmẹgụọ obobo. |
| 12 |
| Asazịnị m ẹka kwọndọn enwẹn m, m nọ kẹ onyẹ hụn enwẹn ẹ imẹ ụgbọ-ẹshin eze ẹnyi. |
| 13 |
| Hutọ! Onyẹ Shulam, hutọ!! Hutọ! Hutọ — nị ẹnyi lee i. Kị ọnụ k'e leni onyẹ Shulam kẹ w'e lee egu ndị Mahanaim? |
| Save Notes |
https://beblia.bible:81/BibleAudio/ika/songofsolomon/006.mp3
8
6