Adamawa 1994
|
| 1 |
| Lorta, lorta, Sulamit, lorta, lorta haa min ndaare! Ko ndaaroton haa Sulamit bana haa wamre mooɓe ɗiɗi? |
| 2 |
| Kosɗe maaɗa mbooɗi nder paɗe, an mayramjo! Murli keeci maaɗa bana fawne, bana ko juuɗe goniijo mbaɗi. |
| 3 |
| Non jaabuuru ma bana taasawo murlo, ngo sooyataa inaboojam uurɗam. Reedu maaɗa bana jowre alkamaari, nde taarnaama bee gurguli. |
| 4 |
| Bana ciwtukoy lelwa, non enɗi ma. |
| 5 |
| Daande maaɗa bana suudu nyii'e nyiibi towndu. Gite maaɗa bana beeli haa Hesbon, baŋnge dammugal Bat-Rabbim. Kine maaɗa bana suudu Libanon towndu tiitotirndu bee berniwol Damas. |
| 6 |
| Hoore maaɗa ɗon nanndi bee Karmel, gaasa hoore maaɗa bana limce boɗeeje, haa nder girli gaasa ma laamiiɗo naŋngaama. |
| 7 |
| An a ŋarniiɗo, booɗɗo boo, an giɗaaɗo, yiide ma welani yam. |
| 8 |
| Tagdi ɓanndu ma bana dibinoohi, bana bukki haa maaki, non enɗi ma. |
| 9 |
| Nden mi wi'i: Dibinoohi man, sey mi wa'o ki, mi naŋnga bukki maaki. Enɗi maaɗa ɗon nanndi bee bukki ɓiɓɓe inabohi, uurdi kine ma nanndi bee ɓenndalooje uurɗe. |
| 10 |
| Inaboojam cuɓaaɗam, non hunnduko ma. Ɗam ila, ɗam nasta cir nder hunnduko giɗaaɗo am, ɗam ila haa kunnduɗe ɗaaniiɓe. |
| 11 |
| Giɗaaɗo am min jeyi, min ɓernde maako yenwi. |
| 12 |
| War, njehen haa ladde, an giɗaaɗo am, en mbaaloya haa kawye ton. |
| 13 |
| Bee fajiri en njaha nder gese inabooje, haa en ndaara to inabooje ton mbilitake, to pinndi maɓɓitake, rummaanooje boo pinniti. Ton haa gese mi hokkete yiide am. |
| 14 |
| Ɓiɓɓe jooɗooje uuran haa kine men, ɓiɓɓe leɗɗe cuɓaaɗe ɗon haa dammuɗe men, ɓiɓɓe leɗɗe ɓennduɗe jontaaje e neeɓɗe, giɗaaɗo am, mi sigi ɗe ngam maaɗa. |
| Hisnu Teskorɗe |
https://beblia.bible:81/BibleAudio/fulfuldeadamawa/songofsolomon/007.mp3
8
7