Ika Bible 2018
|
| 1 |
| Euu nwa eze, ụkụ ị a rịka mma imẹ akpụkụ hụ! Ọgbọdọgbọ ị riẹn kẹ ọla wẹ kpụ ọhụnma — ọrụn-ẹka onyẹ a kpụ ọla rọ. |
| 2 |
| Otumẹ i wụ mkpu wẹ gi e hugbama manya — ezigbo manya wẹ hugbama ya akọkwọl'a. Ukun i wụ ikpọn ọka-witi wẹ gi obobo lili fihunmẹ. |
| 3 |
| Ẹran ị ẹbụbụọ nọ kẹ mmụ ele ẹbụọ, ele wẹ mụ ejimẹ. |
| 4 |
| Olu i sue kẹ ụlọ-nche, ọ nọzịkwọ kẹ hụn wẹ gi eze-enyi tụn. Ẹnya ị wụ ọgọdọ-mirin ndị rị Hẹsh'bọnụ, hụn ahụn rị ẹhụ ọnụ-mgbọn Batị-Rabim. Imi i nọ kẹ ụnọ-nche Lẹbanọnụ hụn bu ihun zinmẹ Damaskọsụ. |
| 5 |
| Isi i nọdịhụ kẹ Ugu-Kamẹlụ; ntutu i rị kẹ mgburu w'a kpanị ndị-nze, k'o dọn fịfịrị a sụọban eze isi. |
| 6 |
| Y'a maka mma, y'a rịka mma! Euu Obi-m — y'a sụọka m-o! |
| 7 |
| I sue usue kẹ nkụ-deti; ẹran ị nọsọnmẹ kẹ ogbe-ẹkụ deti. |
| 8 |
| M nọ sị, “M k'e nyinrin elu nkụ hụ; e kwọndọn m ogbe ẹ.” Ẹran ị, ya nọzịkwọ kẹ ọhịọ vaịnị, ọnụ ị, ya kun fuẹin kẹ ogbe apụlụ, |
| 9 |
| ya sụọzịkwọ kẹ manya kachanrịn mma. Manya hụ ya hujẹnni Nke-m — ya gi nwayọ gha a ụgb'ọnụ lẹ eze. |
| 10 |
| Nke-m nwọn m, ẹgụn m rị a gụn a. |
| 11 |
| Pụha nwan, Nke-m — nị ẹnyi shi azụụn wẹ nọ a rụn ugbo, nị ẹnyi d'a ranhịn alị-ọfịa ndịnẹi. |
| 12 |
| Nị ẹnyi zọ ụzọ shi ibẹka hụ alị vaịnị rịsọnmẹ d'e lee kẹ vaịnị a fọmagụọ, kẹ obobo wẹ a shịapụmagụọ, ẹnyi e lelezi kẹ gova-pomegraneti a mịmagụọ obobo — a nọ m ebahụn ye i ihiẹn-ọsụsụọ m. |
| 13 |
| Ihiẹn-akụnkụn mandreki e kunmẹgụọ fuẹin, mkpụrụ-osisi ile a kọnị rị ọnụmụzọ iwe ẹnyi, kẹ nke ọhụn kẹ nke akan — hụn m dọnmẹni yụ wụ Nke-m. |
| Save Notes |
https://beblia.bible:81/BibleAudio/ika/songofsolomon/007.mp3
8
7